Əbdüləzim Həsəni nəql edir ki, ağam Əli ibn Muhəmmədin (İmam Hadinin) (əleyhissəlam) yanına daxil oldum. Məni görüncə dedi: “Xoş gəlmisən, ey Əbülqasim! Sən bizim həqiqi dostumuzsan”.
Əbdüləzim deyir: “Mən dedim ki, ey Allah Rəsulunun oğlu! İstəyirəm öz dinimi sənə təqdim edim (və göstərim). Əgər bəyənilən olsa, Allah ilə görüşənədək (onun hüzuruna çıxanadək) onda sabitqədəm olaram”.
Buyurdu: “Ey Əbülqasim, danış”.
Dedim: “Mən inanıram ki, Allah təkdir, Ona bənzər bir şey yoxdur. O, iki həddən xaricdir: ibtal həddi və təşbih həddi. Allah cism, surət, ərəz (bəlirti, əlamət) və cövhər deyildir. Əksinə, Allah cismləri mücəssəm edən, surətləri təsvir edən, ərəz və cövhərləri yaradandır. Allah hər bir şeyin Rəbbi, onun maliki, qurucusu, yaradanıdır (ortaya çıxaranıdır).
Mən inanıram ki, Muhəmməd (sallallahu əleyhi və alihi və səlləm) Allahın bəndəsi və Rəsuludur. O, peyğəmbərlərin sonuncusudur. Qiyamət gününədək ondan sonra bir peyğəmbər yoxdur. Onun (gətirdiyi) şəriəti şəriətlərin sonuncusudur və bu şəriətdən sonra Qiyamət gününədək heç bir şəriət olmayacaqdır.
Mən inanıram ki, Peyğəmbərdən (sallallahu əleyhi və alihi və səlləm) sonra imam, xəlifə, əmr sahibi Əmirəlmöminin Əli ibn Əbu Talibdir (əleyhissəlam), sonra Həsən (əleyhissəlam), sonra Hüseyn (əleyhissəlam), sonra Əli ibn Hüseyn (əleyhissəlam), sonra Muhəmməd ibn Əli (əleyhissəlam), sonra Cəfər ibn Muhəmməd (əleyhissəlam), sonra Musa ibn Cəfər (əleyhissəlam), sonra Əli ibn Musa (əleyhissəlam), sonra Muhəmməd ibn Əli (əleyhissəlam) və sonra da sənsən, ey mövlam!”
Əli ibn Muhəmməd (İmam Hadi) (əleyhissəlam) buyurdu: “Məndən sonra isə oğlum Həsəndir. Bəs camaat ondan sonrakı xələflə (canişinlə) necə olacaqlar?”
Dedim: “Ey mövlam, o necədir?”
Buyurdu: “Çünki onun şəxsiyətini görməyəcəklər, adını yad etmək isə onlara halal olmayacaqdır, o vaxta qədər ki, qiyam edəcək və yer üzünü zülm və haqsızlıqla dolduğu kimi haqq və ədalətlə dolduracaqdır”.
Dedim: “İqrar (və təsdiq) edirəm. İnanıram ki, onların