Şeyx Səduqun İləluş-Şərai kitabında sənədi ilə Əbu Bəsirin İmam Sadiqdən (ə.) nəql etdiyi hədisdir. Həzrət (ə.) belə buyurdu: “Allaha və qiyamət gününə imanı olan kimsənin “vitr” namazını qılmadan yatmaması gərəkdir. Əbu Bəsir deyir: “vitrdən qəsdiniz xuftən namazından sonra qılınan iki rəkətli namazdırmı? - deyə ərz etdim. İmam (ə.): “Bəli. O iki rəkət bir rəkət yerinə hesablanır, kim bu iki rəkəti qılıb yatarsa və ölərsə gecənin sonlarına yaxın qılınan vitr namazı qılmış kimidir. Əgər ölməzsə də gecənin sonlarına yaxın qalxıb vitr namazını gecə namazının bir hissəsi olaraq qıla bilər”. Əbu Bəsir: “Görəsən Rəsulullah (s.a.a.) da bu iki rəkətli namazı qılardımı?” -deyə soruşdum. Xeyr buyurdu. Niyə? -deyə soruşdum. Həzrət (ə.) buyurdu: Çünki Rəsulullaha (s.a.a.) vəhy olunurdu. O axşam ölüb-ölməyəcəyi ni bilirdi. Başqalarının belə bir elmi yoxdur. Buna görə də özü qılmayıb digərlərin qılmağını əmr edərdi.” (İləluş- Şərai, c.2, s.20);