İmam Sadiq (əleyhissəlam) buyurub: “Kim bu sözləri sübh desə və həmin gün ölsə Cənnətə
daxil olar. Kim bu sözləri axşam desə və həmin gecə ölsə Cənnətə daxil olar: “Allahım! Səni, müqərrəb mələklərini və ərşin daşıyıcılarını (bu əqidəmə) şahid tuturam ki, Səndən başqa ilah yoxdur, Rəhmansan və Rəhimsən. Muhəmməd Sənin qulun və Rəsulundur. Filankəs və filankəslər mənim imamlarım və vəlilərimdir. Bu vəd üzrə yaşayacaq, bu vəd üzrə öləcək və Allahın istəyi ilə Qiyamətdə bu vəd üzrə dirildiləcəyəm. Filankəsdən, filankəsdən, filankəsdən və filankəsdən bəraət edirəm
(uzaqlaşıram)”. Həmin gün və ya gecə ölsə Cənnətə daxil olar".
قال أبو عبد الله عليه السلام: من قال هذا القول إذا أصبح، فمات في ذلك اليوم دخل الجنة فإن قال: إذا أمسى فمات من ليلته دخل الجنة " اللهم إني أشهدك وأشهد ملائكتك المقربين وحملة العرش المصطفين أنك أنت الله لا إله إلا أنت الرحمن الرحيم، وأن محمدا عبدك ورسولك صلى الله عليه وآله وفلان وفلان حتى ينتهي إليه أئمتي وأوليائي على ذلك أحيى وعليه أموت وعليه أبعث يوم القيامة أن شاء الله، وأبرأ من فلان وفلان وفلان وفلان، أربعة " فإن مات في يومه أو ليلته، دخل الجنة.
(Şeyx Əhməd ibn Muhəmməd ibn Xalid əl-Bərqi (r.ə), "əl-Məhasin", cild 1, səh 115, bab 43, hədis 115)

Qeyd: Sadəcə dildə bu sözləri quru şəkildə deməklə insan Cənnətə daxil ola bilməz. Cənnətə daxil olmaq üçün şəhadət verdiyi etiqadları öz əməlində cilvələndirməlidir. Bu mübarək hədisə əsasən dörd şeyə etiqad bəsləyib iman gətirmək Cənnətə daxil olmaq üçün ən mühüm şərtlərdən biridir. Bunlar aşağıdakılardan ibarətdir:
1. Allahın vəhdaniyyətinə iman gətirmək
2. Həzrəti Muhəmmədin (sallallahu əleyhi və alih) peyğəmbərliyinə iman gətirmək
3. On iki imamın imamət və vilayətlərinə iman gətirmək
4. On iki imamın düşmənlərindən təbərri eləmək (uzaqlaşmaq).