(Zuxruf, 44) ayəsini soruşdum.
Buyurdu ki: «Rəsulullah (sallallahu əleyhi və alihi) zikrdir, onun Əhli-Beyti də (ə.s.) soruşulanlardır (məsul tutulanlar). Onlar zikr əhlidirlər. » (Usuli Kafi, cild 1, höccət kitabı, bab 20, hədis 542)
5 - ...Fuzəyl, Əbu Abdullah (Cəfər Sadiq əleyhissalam)-dan "Bu Quran sənin üçün və qövmün üçün bir zikrdir. İrəlidə ondan sorğu-sual olunacaqsınız. məsul tutulacaqsınız " (Zuxruf, 44) ayəsi ilə əlaqədar olaraq belə rəvayət etmişdir:
Zikrdə məqsəd Qurandır. Biz isə Peyğəmbərin (s.) qövmüyük və soruşulanlar bizik. (Usuli Kafi, cild 1, höccət kitabı, bab 20, hədis 543)
6 - ... Əbu Bəkr əl-Hədrami belə rəvayət etmişdir:
Əbu Cəfər (Məhəmməd Baqir əleyhissalam)-ın yanında olduğum bir vaxtda Kumeytin qardaşı Vərd İmamın yanına gəldi və dedi ki:
"Allah, məni sənə fəda etsin. Sənə soruşmaq üçün yetmiş sual hazırlamışdım. Lakin indi bu suallardan bir dənəsini belə xatırlamıram."
İmam buyurdu ki: «Bir dənəsinidəmi xatırlamırsan ey Vərd?»
Dedi ki: Xeyr, bu anda bu suallardan bir dənəsi ağılıma gəldi.
İmam: «Nədir ağlına gələn bu sual?»
Dedi ki: "Əgər bilmirsinizsə, zikr əhlindən soruşun." (Nəhl, 43) ayəsində nəzərdə tutulanlar kimlərdir?
Buyurdu ki: «Burada nəzərdə tutulanlar bizlərik.»
Dedim ki: Bizim sizdən soruşmamız bir zərurətmidir?
- «Bəli.» Dedi.
Dedim ki: Sizin cavab verməniz də sizə bir haqqdırmı?
Buyurdu ki: «Bu, bizə qalmış bir şeydir.» (Usuli Kafi, cild 1, höccət kitabı, bab 20, hədis 544)
7 - ... Məhəmməd ibn Müslim nəql edir:
Əbu Cəfər (Məhəmməd Baqir əleyhissalam)-a dedim ki:
Bizdən bəzilərinə görə "Əgər bilmirsinizsə, zikr əhlindən soruşun." (Nəhl, 43) ayəsində Yəhudi və Xristianlar nəzərdə tutulmuşdur.
İmam buyurdu ki: «O zaman, Yəhudi və Xristianlar sizi dinlərinə dəvət edərlər.» Sonra əlini sinəsinə qoyaraq: «Zikr əhli bizik, soruşulması lazım olanlar bizik.» (Usuli Kafi, cild 1, höccət kitabı, bab 20, hədis 545)
8- ... əl-Vəşşə belə rəvayət etmişdir:
İmam Rza (Əli ibn. Musa əleyhissalam)-ın belə dediyini