1 -... Abdullah ibn Əclan, Əbu Cəfər (Məhəmməd Baqir əleyhissalam)-dan "Əgər bilmirsinizsə, zikr əhlindən soruşun." (Nəhl, 43) ayəsi ilə əlaqədar olaraq belə rəvayət etmişdir:
«Rəsulullah buyurdu ki:«Zikr mənəm, imamlar da zikr əhlidir.»
- "Bu Quran sənin üçün və qövmün üçün bir zikrdir. İrəlidə ondan sorğu-sual olunacaqsınız (məsul tutulacaqsınız)." (Zuxruf, 44)
Əbu Cəfər buyurdu ki: «Biz peyğəmbərin qövmüyük və biz soruşulanlarıq.» (Usuli Kafi, cild 1, höccət kitabı, bab 20, hədis 539)
2 -... Əbdürrəhman ibn Kəsir belə rəvayət etmişdir:
Əbu Abdullah (Cəfər Sadiq əleyhissalam)-a, "Əgər bilmirsinizsə, zikr əhlindən soruşun." (Nəhl, 43) ayəsini soruşdum.
Buyurdu ki: «Zikrdə məqsəd, Muhəmməd (sallallahu əleyhi və alihi)-dir. Biz də bilinməyən şeylərin soruşulması lazım olan əhliyik. »
Dedim ki: "Bu Quran sənin üçün və qövmün üçün bir zikrdir. Qarşıda ondan sorğu-sual olunacaqsınız." (Zuxruf, 44)
Dedi ki: «Burada nəzərdə tutulan bizik. Biz, zikr əhliyik. Biz soruşulan kəslərik.» (Usuli Kafi, cild 1, höccət kitabı, bab 20, hədis 540)
3 - ... əl-Vəşşə belə rəvayət etmişdir:
İmam Rza (Əli ibn Musa əleyhissalam)-a bir sual yönəltdim və dedim ki: Sənə qurban olum. "Əgər bilmirsinizsə, zikr əhlindən soruşun." (Nəhl, 43) ayəsinin mənası nədir?
Buyurdu ki: «Biz zikr əhliyik və bilinməyən şeylərin soruşulması lazım olanlar bizik.»
Dedim ki: Siz soruşulanlar, bizlər də soruşanlarıqmı?
- «Bəli.» Dedi.
Dedim ki: Sizə soruşmamız bizim üzərimizdə bir haqqdırmı?
- «Bəli.» Dedi.
- "Sizin də bizə cavab verməniz, sizə bir (üzərinizdə) haqqdırmı?" deyə soruşdum.
Dedi ki: «Xeyr, bu bizə ixtiyarımızdadır. Istəsək edərik, istəməsək etmərik. Allahın bu ayəsini eşitmədinmi: "Bu bizim bağışımızdır (hədiyyəmizdir,lütfümüzdür). İstər ver, istər saxla; hesabsızdır." (Sad, 39)» (Usuli Kafi, cild 1, höccət kitabı, bab 20, hədis 541)
4 - ... Əbu Bəsir, Əbu Abdullah (Cəfər Sadiq əleyhissalam)-dan "Bu Quran sənin üçün və qövmün üçün bir zikrdir. Qarşıda ondan məsul tutulacaqsınız."