Bu gün ad günündür,
Əsma ad günün,
Səkkiz yaşın mübarək,
gözəl Əsmam!
Bu gün günlərindən fərqli,
şad günün,
Səkkiz yaşın mübarək,
dəcəl Əsmam!

Yeni yaşındır, olsun
mübarək!
Elinə, obana olasan
gərək.
Səni ömrün boyu xoşbəxt,
şad görək,
Səkkiz yaşın mübarək,
əzəl Əsmam!

Ataya, anaya olasan
çıraq,
Nənəyə, bacıya arxa
və dayaq.
Yayasan aləmə nur
dolu soraq,
Səkkiz yaşın mübarək,
özəl Əsmam!

Gözəllər gözəli, huri-
mələksən,
Günəşdən nur alan
qönçə çiçəksən,
Vüsal əmin deyir:
gözəl-göyçəksən.
Səkkiz yaşın mübarək,
gözəl Əsmam!