Səninlə gəzməyimiz gərəkən ölkələr, yatmağımız gərəkən şəhərlər.. yuxularımız və xəyallarımız üçün dünyalar var. Öpüşməmiz gərəkən skamyalar, dayanacaqlar, sahillər... Əlimi tutmağın gərəkən piyada keçidləri, yeriməmiz gərəkən yollar.. minməmiz gərəkən avtobuslar, təyyarələr, qatarlar, gəmilər.. Bizi gözləyən mənzərələr var(daha da gözəlləşmələri üçün). Gülməmiz gərəkən fotoşəkillər, açıqcalar.. Yazılması gərəkən məktublar, dinləniləsi sıradakı parçalar.. Qorxmağımız gərəkən cəfəngiyyat dolu qorxu filmləri.. Künc bucaq qaçmağımız gərəkən izdihamlar, düşməmiz üçün səkilər, yorulmamız üçün yataqlar.. İslanmağımız gərəkən yağışlar, üşüməyimiz gərəkən soyuqlar.. Ölməyimiz gərəkən döyüşlər(;iki nəfərlik.. İntihar etməmiz üçün uçurumlar var(;yanaqlarımızda.. Yəni, bir-birimizə ehtiyacımız var, anlayırsan? Ağlamağın üçün çiynim, tutmağın üçün əlim, qalmağın üçün qəlbim, verə biləcəyim cismim, sevə biləcəyin ruhum.. Hər şey var.. Səndə varsan!(?)
..Sonra, bir axşamüstü, işdən gəlməyim, evdə yemək təlaşın, eyni məqsədə xidmət edən, eyni anda iki fərqli fikirdən doğan mübahisəmiz.. Hər kəsin arzulayacağı qədər mütəvazi bir şəkildə dekorasiya edilmiş bir ev, evin önündə ;ayağımızı yerdən kəssin yetər; deyib yetinə biləcək bir maşın.. sonra ilk fürsətdə bir tətilə çıxmaq planı, daim ertələnən, yenə də gerçəkləşməyi gözləyən... Ərinməyim və sənin buna qarşı hər şeyə rəğmən anlayış dolu sitəmlərin.. Sonrasında, ortada kiçicik bir iz buraxmayana qədər bütün pis şeyləri unutmağımız, birlikdə olmağımız, bir olmağımız...
Sən mənə baxınca özümü önəmli biriymiş kimi hiss etməyim. - Ən sevdiyi cizgifilm qəhrəmanını rüyasında görüb onunla macəraya atılmış bir uşaq.. gələcəkdə mutlu, məsud yaşayacaq bir cütlüyün masasındakı, yaxşı şeylərə vəsilə olurmuş kimi bəxtiyar və içdən içə isti bir çay.. Birazdan edam ediləcək bir məhkumun yandırdığı, üstünlük verilmiş olmanın qüruruyla tükənməyə hazır olan son bir siqaret.. Qlobal bir platformda təşkil olunan bir yığıncaqda ilk dəfə söz haqqı