hazırdır.
Aydanı əməliyyat etməyə başladılar.
İskəndər:- Kim?
Atəş:- Böyük ehtimalla Hafizin qatili. Azər Tağıyev. İşin maraqlı tərəfi adam kod oyununu da bilir.
İskəndər:- Deməli qatil odur?Anlamadığım bu işi o necə görə bilər?
- Sevgilisinin facebook hesabını idarə edib. Cinayət olandan sonra onun adından kod oyununa uyğun Qətl baş tutdu mesajını yazıb.
- Kimə?
- Özünə. Yəni qızın profilindən öz profilinə mesaj yazıb. Özü ilə bərabər qızı da şübhəli vəziyyətə salıb.
- Bəs cinayət? Onu necə törədib?
- O daha da maraqlıdır. Sevda xanım saat 22:00-da restoranda olub. Yəni cinayət olan vaxt. Həmin vaxt Azər də restoranda olub. Sevda xanım sonradan etiraf etdi. Azərlə bərabər restorana gəliblər. Azərin restorana girişi isə dəvətlilər siyahısında yoxdur,qeyd olunmayıb. Çünki dəvətli deyildi,Sevinci aldadaraq daxil olmuşdu.
- Hər şeyi başa düşdüm. Ancaq Zeynəbdən məlumatları soruşanda dedi ki, "qətl baş tutdu" mesajı saat 22:10-da bir saatlıq məsafədən yazılıb. Saat 22:00- da əgər qətl olubsa 10 dəqiqə içində bu adam bu qədər məsafəni necə qət edib?
- Mənə də elə bu maraqlıdır. Aytacla Hüseyn adamı tutub gətirəcəklər. Hər şey onda aydın olar.
- Təkcə bununla bitmir. Məncə qatillər iki nəfərdir. Və onlara kömək edən biri də işıqları söndürən şəxs...

1 saat sonra Atəş də Təhqiqat Şöbəsinə gəldi. Azər sorğu otağında idi.Atəş onun yanına gəldi.
Azər:- Sən sual vermədən mən cavablarını verərəm. Əziyyətə salma özünü.
Atəş:- Elə olsa yaxşı olar. Dostumu gülləylə vurmusan. Onun intiqamını burada aldırma mənə!
- Mən öldürmüşəm. Hafizi mən öldürmüşəm.
- Necə?
- Sevdadan istifadə edərək. Onu restorana ötürmək adı ilə aldadıb gizli ora daxil olmuşdum.
- Hafizi necə öldürdün?
- Boğaraq. Ağzını və burnunu tutdum.Çırpındı amma edəcəyi heç bir şey yox idi. Onun düzəltdiyi zəhər ölümünə səbəb oldu.
- Necə yəni?
- Mənim əlimdə onun düzəltdiyi zəhərin eynisi var idi. Zəhər buruna keçən kimi nəfəs sistemini iflic edir.Ağızla nəfəs ala bilməsə dərhal ölür.