danışırmış Sevdadan başqa. Mesajların tamamı kod oyunudur. Kodlarla cinayətin planı qurulub.
Atəş:- Kim?
- Babək Tağıyev. Azərin qardaşı...

Az sonra Babəkin qaldığı evin qarşısına gəlmişdilər. İskəndər bəyin komanda dəstəsi də orada idi.Komanda dəstəsinin başçısı Əjdər Atəşi görüb qarşısında dayandı.
Atəş:- Evdə kim var Əjdər?
Əjdər:- Babək,həyat yoldaşı və anası var komandir! Bildiyimiz bu qədərdir.
- Sakitcə evə daxil olun. Adamı zərərsizləşdirin
çıxın,tez! Hüseyn,sən də get.
Az sonra Babək də əli-qolu bağlı gətirildi.
Atəş:- Deməli məşhur cinayət ortağı sənsən? Şirin xanımı da sən öldürmüsən eləmi?
Babək:- O qızı öldürmək bizim planımızda yox idi.
- Bəs kim öldürüb?
- Mən ancaq lazımi anda işıqları söndürdüm. Başqa da heç nə etməmişəm...

Xəstəxana.Atəş Zeynəbin yanına gəlir. Zeynəb zəhəri bir daha kontrol edir.
Zeynəb:- Zəhər burun nahiyəsindən daxil olub,amma bunu necə müəyyən etmək olur,bilmirəm.Əgər boğulma təsbit olunmasaydı,zəhərin haradan daxil olduğunu müəyyənləşdirmək belə mümkün olmazdı. Mən sadəcə boğulub ölüb deyə düşünmüşdüm.
Atəş:- Zəhəri hazırlayandan soruşmaq lazımdır. O da öldüyünə görə necə öyrənə bilərik ki?
- Zəhərin vücuda yayılması fərqli ola bilər. Burundan verilən zəhər dərhal şəxsin nəfəs sistemini iflic edir və sadəcə boğulma təəssüratı yaradır. Təbii ki zəhərin növündən də çox şey asılıdır. Deməli Hafiz bu işdə professional imiş.
- Hər nəysə. Deməli bizim Hafiz bəyin qatilini və işığı söndürəni tapdıq. Amma digər bir məsələ hələ də qalır.
- Şirin xanımı kim öldürüb?
- Hə. Səncə kim öldürüb?
- Bilmirəm.
Damla zəng edir.
Atəş:- Buyurun Damla xanım.
Damla:- Təcili bizə gəlin...

Atəş sürətlə Damlanın evinə getdi. Damla onu qarşılayıb bir üzük göstərir.
Damla:- Komissarım, yatağının altından üzük tapdım. Üzüyə L_M yazıb. Yanında da bu kağız.
Atəş təəccüblə kağızda yazılanlara baxdı.
Atəş:- L_M və Matəm üzüyü?...

Atəş L_M- i yenidən sorğu otağına çağırdı.
L_M:- Yenə nə istəyirsən