MƏHSƏTİ
Afa.Q
Bölüm 2.
Qabil.
-Nənə... Hardasan? Nənə.
-Burdayam oğlum gəlirəm.
Nənəm asta asta pilləkanları enərkən üz gözümü turşutdum.
-Əzizə sultan, sənə neçə dəfə demişəm ki, üst mərtəbəyə pilləkanla çıxma, lift var ya da nə işin varsa de xadimələr həll etsin... Nə edirdin yuxarıda?
-Çıxanda liftlə çıxdım, enəndə pilləkandan istifadə etdim.
Nənəmin balaca uşaq kimi olanları izah etməyə çalışması qəh qəhə atmağıma səbəb oldu.
-Sevirəm səni Əzizə sultan.
-Az klonluq elə... Gəl bura.
Nənəm divana oturub məni yanına çağırdı, mən isə yanına oturub başımı dizinə qoydum.
-Sən yenə məşqdən gəlib duş almadan gəzinirsən? Boynun tərdi.
-Heçnə olmaz.
-Ay bala xəstələnərsən axı,
-Yanımda sən varsan Əzizə sultan, izin verməzsən.
-Qabil?
-Aycan həyatım.
-Nə vaxt toy edəcəksən?
Yerimdə dikəlib irilənmiş gözlərimi nənəmə zillədim.
-Ərə getmək istəyirsən?
-Ədəbsiz köpəyoğlu indi salacam səni kötəyin altına.
-Yaxşı yaxşı əsəbləşmə.
Yenidən nənəmin dizləri üstə yerimi rahatladım.
-Bax mən artıq yaşlanıram, bugün varam sabah yoxam.
-Nənə başalama yenə.
-Kəs səsni... Sözümü kəsmə... Nə deyirdim?
-Bilmirəm nəsə iş haqqında danışırdın.
-İşdən danışmıram... 30 yaşın var artıq evlənməyini istəyirəm.
-Nənə sənin kimi qız tapsam evlənəcəm.
-Ay bala buralarda ağıllı qız çətin taparsan. Deyrəm sənə gəl qayıdaq Bakıya razılaşmırsan.
-İşim dostlarım burdadı, necə gedim?
-Atan Bakıdakı oteli keçirib axı sənin adına,
-Bilirəm.
-Əslində getmək istəməmə səbəbin o əyri qıçları olan Lenadır nədir, O qızdı?
Nənəmin sözünə qəh qəhələrə boğuldum.
-Nənə Lena manikendir və qıçları əyri deyil, əksinə çox gözəldi.
-Kəs... Mən əyridi deyirəmsə əyridir həm kim deyir o, gözəldi? Hacı Leyləyə oxşuyur.
-Yoxsa sən Lenanı qısqanırsan?
-Yox daha nələr...
-Qısqanma həyatımın qadını... Səni hərkəsdən çox sevirəm.
-Kimlə istəyirsən evlən amma evlən nəticələrimi görmək istəyirəm.
-Yaxşı sultanım düşünəm bu haqda... Mən çıxıram.
-Yenə gəzməyə?
-Aha... Dostlarımla