1 həftə tamamlanmaq üzrə idi. Bu müddət ərzində Fəxrəddin "Eleonora”ya unudulmaz gecələr bəxş etmişdi. Şəhərə gəzintiyə çıxmışdılar. Kafedə əyləşib yemək yemişdilər. Fəxrəddinin əl işlərinə tamaşa edən "Eleonora” həmişə emalatxanadakı gənc qızın baxışları ilə qarşı-qarşıya gəlirdi. Fəridin söz yardımı ilə Fəxrəddin taxta üzrə nişanlama əməliyyatını bitirmişdi. Onu "Eleonora”nın əllərinə verdi. Gözlərinə inanmaqda zorlandı. Mina partlamasından görmə qabiliyyətini əbədi itirən Fəxrəddin təkcə qadınlar sahəsində təcrübəli deyilmiş. Taxta materialın üzərində güllərin əksini tapan "Eleonora”nın dili söz tutmurdu.
Bu gün müddət tamamlanırdı.Fəxrəddin məbləği qabaqcadan ödəmişdi.
"Eleonora” səhərin gözü açılan kimi Fəxrəddinin güclü qolları arasından çıxmağa cəhd göstərdi. Alınmadı, cəhdi iflasa uğradı. Fəxrəddinin nəfəsini hiss etdi.
-Burax məni,-bir az quru dedi.
Onu dinləyən Fəxrəddin əməl etmədi. Əksinə daha da bərk tutub saxladı. "Eleonora” yumruqlarını hazırlaşdırıb qollarına hücum etdi. Zəif zərbələrə gülümsəyən Fəxrəddin cəld "Eleonora”nı kürəyi üstə çevirib boynunu öpməyə başladı.”Eleonora” əllərini işə salaraq Fəxrəddini bir kənara yıxdı. Aralanmaq cəhdi yenə alınmadı. Fəxrəddin təkrar onu kürəyi üstə uzandırıb biləklərindən yapışıb yastığa sıxdı.
-Nifrət edirəm sənə.
-Bilirəm. Təzə xəbər deyil. Çoxları deyib mənə.
-Çoxlarından mənə nə?!
-Sus. Sadəcə sus.-deyib dodaqlarını öpməyə başladı.
"Eleonora” onun sehrinə tab gətirə biləməyib qarşılıq verməyə başladı.Fəxrəddin biləklərini azad buraxan kimi barmaqlarını onun saçları arasına keçirtdi...
...Dinara xəstəxanada Lalə xala ilə yanaşı əyləşmişdi. Keçirdiyi hisslərə ad tapa bilmirdi. Cığır salan göz yaşları çənəsindən süzülərək ovuclarına düşürdü. Divara zillənən ölü baxışlarını zorla ovuclarına yönəltdi. Dizlərinin üstündəki ovuclarındakı damlalara bir xeyli tamaşa etdi. Nəfəssiz. Hissiyatsız. Çiyninə astaca toxunan Ələ başını güc-bəla ilə qaldıraraq Lalə xalaya baxdı. Qadın bilmirdi nə etsin. 4 gün