Bəy kimi", "Tam ALLAHlıq bir hal, ahı getmiş vahı qalmış."
Diqqət yetirilsə, məlumatsız, bacarıqsız, problemli və heç bir işə yaramayan insanlar bu sözlərlə izah edilir. Sanki insan ALLAHa yaxınlaşsa, ALLAHa qul olmağa çalışsa, ALLAHın əmr və qadağanlarını yerinə yetirsə axmaq və səfil bir hala gələrmiş kimi bir məna çıxır.
Yaxud bir iş yolunda getmirsə, planlandığı və düşünüldüyü kimi bir nəticəyə əldə edilmirsə, günah ALLAHa atılır, səhv ALLAHa aid edilir. Beləcə insan fərqinə belə çatmadan ALLAHa üsyan edir. Halbuki bacarıqsızlıq insanın özündən qaynaqlanar, dağınıqlıq adamın öz laqeydliyi və tənbəlliyi nəticəsidir. Niyə ALLAHa verilsin, bu mövzularda nə üçün ALLAH günahlandırılsın?
Quran bu mövzuda deyir ki: "Başınıza nə müsibət gəlirsə, öz əlinizlə etdiklərinizə görədir " (Şura, 42/30)

"ALLAH BABA HİRSLƏNƏR!"
ALLAHa ata və oğul isnadı edilməz, caiz də deyil, mümkün də deyil. Belə bir sözü, bir Müsəlman söyləməməlidir. Çünki məsələ birbaşa ALLAHın birliyi ilə əlaqəlidir. Bir dəfə bütün ataları və oğulları, kişiləri və qızları yaradan ALLAHdır. Yaradıcı, yaradılan ola bilməz. İslami deyimlə Xaliq, məxluq olmaz. Belə bir sözü və inancı qəti olaraq Quran rədd edər. Hamımızın bildiyi İxlas Surəsində, "Lem yelid velem yuled" deyirik. Bunun mənas(n)ı, "O doğurmamış və doğurulmamışdır" deməkdir. Yəni doğurulanlar Yaradıcı və ALLAH ola bilməz.
Xarici filmlərdəki sözlər olduğu kimi tərcümə edərək deyildiyi və bəzi köhnə yerli filmlərində düşünülmədən şüursuzca istifadə edildiyi üçün bu batil inanc və ifadə, dilimizə bu filmlər vasitəsi ile keçmişdir. Belə bir sözü söyləmək doğru deyil.


"QƏDƏR UTANSIN.. NAMƏRD QƏDƏR!"
Qədəri günahlandıran o qədər söz var ki, saymaqla bitməz. Özünə söz keçirə bilməyən, qədərə daş atır. Kimsəni günahlandıra bilməyən, qədəri günahlandırır. Qarşısındakına gücü çatmayan qədərə yüklənər. Belə bir kor dövüşüdür Qədəri günahlandırmaq. Kimə vurduğunu bilə bilməz, vurduğu yeri görə bilməz, təsadüfi hücum edər.