Braziliya futbolunun yetişdirdiyi ən güclü futbolçulardan biri olan Ronaldo futbol karyerasını bitirdiyini bildirdi.Braziliya yığması ilə 2 dəfə dünya Çempionluğu yaşayan Ronaldo : ” Mən daha bacarmıram.Mən oynamaq istəsəm də, tez-tez zədə almağım buna imkan vermir.” deyə açıqlama verdi.Ronaldonun gedişinin digər səbəb isə komandasının Libertadores kubokunda mübarizəni erkən dayandırması olub.

Karyerası ərzində PSV, Barselona, Inter, Real Madrid və Milan kimi Avropa nəhənglərinin formasını geyinən futbolçu bu klublarla böyük uğurlar əldə edib. ”Yekədiş” ləqəbli hücumçu dünya çempionatlarında cəmi 15 qol vurmaqla ən çox qol vuran futbolçu olaraq da tarixə düşüb.Bütün karyerası ərzində 515 matçda forma geyinən futbolçu 352 dəfə fərqlənə bilib. Ronaldo Braziliya yığmasında isə 97 oyunda 62 qol vurmağı bacarıb.