*MAL-DÖVLƏT FİTNƏSİ*

Bu günün əyləncələri çoxdur. Allahın müvəffəq etdiyi, Öz itaətinə bağladığı və bəsirətini təqva ilə nurlandırdığı kimsələrdən başqa bu əyləncələrdən heç kim qoruna bilmir.

Alah Təala buyurur
“Ey iman gətirənlər! Nə mal-dövlətiniz, nə də oğul-uşağınız sizi Allahın zikrindən yayındırmasın! Hər kəs bunu etsə, belələri əsl ziyana uğrayanlardır”.
(əl-Munafiqun, 9)

Həmçinin, Uca Allah belə buyurur:
“Həqiqətən, mal-dövlətiniz və oğul-uşağınız ancaq bir imtahandır. Ən böyük mükafat isə Allah dərgahındadır!”
(ət-Təğabun, 15)

Mal-dövlətin fitnəsi odur ki, Allaha itaətdən uzaq salır və asiliklərə sövq edir.
Rəsulullah ﷺ buyurur
“Hər bir ümmətin fitnəsi var. Mənim ümmətimin fitnəsi isə mal-dövlətdir”.
Başqa bir hədisdə Peyğəmbər ﷺ belə buyurur:

“Allaha and olsun ki, sizin üçün kasıbçılıqdan qorxmuram. Lakin qorxuram ki, sizdən əvvəlkiləri dünya necə öz cəngina almışdısa, sizə də elə alsın!”
Hədis insanları dünyaya və onun bər-bəzəyinə aldanmaqdan çəkindirir. Var-dövlət fitnəsi ilə yanaşı qadınların da törətdiyi fitnə olduqca qorunması vacib olan mühüm məsələdir.

Əbu Səidin (Allah ondan razı olsun!) hədisində Peyğəmbər ﷺ buyurur:

“Dünya şirin və yaşıllıqla dolu bir məskəndir. Allah sizi ora xəlifə təyin etmiş və ondan necə istifadə edəcəyinizə nəzarət edir. Dünyadan və qadınlardan qorxun! Həqiqətən, İsrail oğullarının ilk fitnəsi qadınların əli ilə olmuşdur”.

Digər bir səhih hədisdə Rəsulullah ﷺ buyurur:
“Sizlərdən biri öz xəstəliyinizi sudan qoruduğu kimi, Allah da sevdiyi qulunu dünyadan qoruyar”.

İnsan dünya fitnəsinə düşdüyü zaman özünü unudar və istəkləri ona qalib gələr. Axirətin unudulması isə möminin sifətlərindən deyil, əksinə kafirlərə xasdır. Allah taala buyurur ki,
“Qoy hələ yeyib içsinlər, ləzzət alsınlar, arzuları-ümidləri başlarını qatsın. Sonra biləcəklər!”
(əl-Hicr, 3)

Başqa bir ayədə Uca Allah buyurur:
“Artıq Bizim Quranımızdan üz çevirib dünya həyatından başqa bir şey istəməyənlərdən