. Bəzən olur ki , sevdiyin insanlar sənin onları nə qədər çox sevdiyinin fərqində olur . . və bilirlər ki , nə qədər səhv etsələr də onlara qıya bilməyəcəksən . Bilirsən ki , onlar bəzi hərəkətlərini rahatca edir , çünki sənin onları bir gülüşlərinə bağışlayacağından əmindirlər. Bilirlər ki , səni nə qədər incitsələr də onlar sənin ən həssas nöqtəndir . . və ən pisi odur ki , sən bütün bunların fərqində olursan. Səndən istifadə etdiklərini bildiyin halda üstlərindən xətt çəkəcək gücü özündə tapa bilmirsən . . və bu səni öldürür. . .
Qıraqdakı dostların tövsiyyələr verməyə başlayır sonra . Gözünü açmağa çalışırlar , daha çox incinməyini istəmirlər . . və səni bu əziyyətdən xilas olmağın üçün cəsarətləndirirlər . Bəzən əsəbləşib qovursan onları . . . ”onsuz da bunların hamısını siz deməsəniz də bilirəm !” demək istəyirsən, amma deyə bilmirsən . Acizliyini görmələrindən qorxursan , çünki bu zaman səni incidənləri müdafiə etməyə başlayırsan . . . ”yox , siz onu tanımırsınız, o elə insan deyil . Mənə heç vaxt zərər verməz, və . s ”. Həyatın qarşımıza çıxardığı hər insan bizim üçün imtahan olur . Deyirlər , kimə necə baxırsansa , o insan elə ondan ibarətdir, deyəsən , doğurdan , belədir. .
Verdiyimiz dəyərə layiq olmayan insanları həyatımızdan çıxara bilmirik bəzən . . amma istəyirəm ki , bir gün həmin insanların qarşısına elə özləri kimi insanlar çıxsın və onları bizim həyatımızdan aparsın . . qoy , bu dəfə də incidən onlar olsun , amma sonda öz "getməkləri ” ilə heç olmasa bizə bir yaxşılıq etsinlər . . bunu bizə borcludurlar
. bəzən elə insanlar olur ki , həyatımızda . . necə deyim? . . başa salmaq çətindir . .
Ürəyini qırdıqdan sonra gələn üzrlər kimi . . ya da imtina etdikdən sonra gerçəkləşən arzular kimi. . lazım olan vaxtdan sonra gələn zənglər kimi. . günəşli bir gündə yağan yağış kimi . . tam unutduğun zaman telefonuna gələn "salam ” mesajı kimi . . qar yağır deyə sevindiyin o anlarda çıxan günəş kimi . . səliqəli saçlarını dağıdan külək kimi. .