Mədinə şəhəri. Hicri-qəməri ilə 117-cı il, rəbiül-əvvəl ayının 5-i.
117-cı il.
Yəni, əziz İslam Peyğəmbərinin (ə) Məkkədən Yəsribə hicrət etdiyindən 117 il keçib.
Yəni, Yəsribin Mədineyi-Münəvvərəyə çevrilməsindən 117 il keçib.

Rəbiül-əvvəl ayı.

Bu ayın hilalının hansı nurani düşüncələrə qərq olmasından, hicrət edən Rəsulun (s) yatağında ölümü qarşılamağa hazır olaraq uzanan Mövla Əlinin (ə) səhnəsindən necə vəcd tapdığını dillər söyləməyə və qələmlər yazmağa imkansızdır.


***

Bəqi qəbiristanlığı. Camaat nədənsə buraya yığışıb, saatlarla gözləyir. Yığılanlardan bəlli olur ki, dünyasını dəyişmiş sıradan bir insan deyil. Mədinənin nurani insanları hamısı bu gün buradadır. Alimlərin, ədiblərin də olması bəlli edir ki, fani dünyaya vida demiş Xanım – təqva və inanclılıq nümunəsi olmaqla yanaşı, elm və zövq əhlidir.

Amma nədən onu dəfnini yubadırlar ki?!


***

Rəbiül-əvvəl ayının 5-i - Həzrət İmam Hüseyn (ə) əziz-girami qızı Xanım Səkinənin (s.ə.) vəfat günüdür. Xanımın əsl adı Aminədir, anası Rübab tərəfindən Səkinə adlandırılmışdır. Əziz ata və anasının nurani tərbiyəsilə yanaşı, bibisi Həzrət Zeynəbin (s) tərbiyəsindən bəhrələnmişdir. Əziz qardaşı Həzrət İmam Səccadın (ə) nurani hüzurundan da öz növbəsində yetərincə bəhrələnmişdir.

Xanım Səkinə (s.ə.) kamillik zirvələrinin bütün istiqamətlərini fəth etmişdir. Təqva və tədəyyünü ilə yanaşı, yüksək elm, fəsahət və bəlağət sahibi idi.

Atası İmam Hüseyn (ə) onun haqqında buyurmuşdur: “Səkinə (s.ə.) Allah Təalada məhv və fənadır”.

Digər yerdə İmam (ə) buyurmuşdur: “O evi sevirəm ki, orada Səkinə (s.ə.) və Rübab ola”.

Xanım Səkinə (s.ə.) İmam Həsənin (ə) oğlu Abdullah ilə ailə qurmuşdur. Abdullah ibni Həsən Aşura günü Həzrət İmam Hüseynin (ə) rikabında şəhadət məqamına yetişmişdir.

Mərhum Nəmazinin hədis və rical sahəsində apardığı tədqiqatda Xanım Səkinə (s.ə.) ilə bağlı aşağıdakı təqdimat gəlmişdir:

“Səkinə (s.ə.) xanım - bəni-Haşimin əqiləsi idi və gözəl sirəyə (həyat