söz tapmıram açıqlayım ki, mən nə qədər darıxmışam. əslində sözləri yan-yana qoyub bər-bəzəkli cümlələr qurmaq dünyanın ən asan işidir..amma gəl soruş görüm, mən sənə o bər-bəzəyi layiq görürəmmi? yox..görmürəm..deyilmiş olan heç bir sözə, artıq nə vaxtsa qurulmuş olan heç bir cümləyə layiq deyilsən.. təkrarları səndən uzaq tutmuşam həmişə. fərqində olmasan belə.. bunlar xırda şeylərdir. bəlkə də əhəmiyyətsiz.. bilmirəm. əslində səni həmişə günaha bənzətmişəm. onun qədər alovlu. qadağan amma cazibədar..yandırıcı və dözülməz.. insanın mənliyini,iradəsini,xislətini sınağa çəkən.. içimdəki "get və onu özünə götür" səsi ilə savaşıram həmişə. ağıllı olmağını sevirəm.çox sevirəm bunu. hətta ən çox bunu sevirəm səndə. bütün yalanlarımı anlayacaq qədər peşəkar yalançı olmağını sevirəm.