XANIM RÜQƏYYƏNİN (Ə) ŞƏHADƏTİ

İmam Hüseynin (ə) 10 övladı var idi. Xanım Rüqəyyə (ə),
imamın, Zeynəb (ə), Səkinə (ə) və Fatimədən (ə), sonra dördüncü
övladı idi. İmamın 6 oğlu var idi. Şamın xərabəsində bu az yaşlı qız
gecə atasını yuxuda gördü. Ayıldıqdan sonra çox ağlayaraq atasını
görmək istədi. Onun ağlamağı digər əsirləri də ağlatdı. Ağlamaq
sədası Yezidin sarayına çatdı. Ona görə də Yezid imam Hüseynin (ə)
kəsik başını ora göndərdi. İmamın başını bir teştə qoyub oraya
gətirdilər. O, bunu görüb soruşdu: “Bu, kimin başıdır.” Dedilər:“Sənin atanın başıdır.” O, atasının başını qucaqlayıb, “atacan”
deyərək arzu və istəklərini dilə gətirdi.
1. Atacan, səni kim belə qana bulaşdırmışdır?
2. Atacan, boynunun damarlarını kim kəsmişdir?
3. Atacan, məni uşaqlığımda kim yetim etdi?
4. Atacan, yetim qız böyüyənə qədər kimə pənah aparsın?
5. Atacan, əsir xanımlar hara getsinlər?
6. Atacan, ağlar gözlərə kim dərman edəcək?
7. Atacan, köməksiz qəriblərə kim dayaq olacaq?
8. Atacan, bizim pərişan saçlarımızı kim darayacaq?
9. Atacan, səndən sonra kimimiz var? Səndən sonra vay bizə!
10. Atacan, kaş, sənə qurban olardum!
11. Atacan, kaş, gözlərim kor olaydı və səni belə görməzdim.
12. Atacan, kaş, bundan əvvəl torpaqda basdırılardım və səni
belə görməzdim.
Sonra üzünü atasının üzünə qoyub dünyadan getdi. Ümmü
Gülsüm və digər xanımlar orada ona qüsl verib öz libası ilə dəfn
etdilər. Tarixçilərin bəzisi onun yaşının 3, bəziləri 4-5 və bəziləri də 7 olduğunu yazmışlar