Bu xoşqədəmin Zaurun verlişindəki həkimlərə yazığım gəlir də. Bu arada əlbəttə Azərbaycan kanalları izləmirəm, mən də elə bir ıq, elə bir səviyyə var ki artıq tv-ni açıram, tv məni görən kimi Discovery, National Geographic-ə zada atır. Ancaq əlbəttə bəzən çoxluq bir kanala baxır o camaat arasında tv məni görə bilmir, mən də məcbur yarım saat zad 2-3 dəfə baxmışam və hər dəfə bir şeyə fikir vermişəm. Verlişə bir həkim dəvət olunur. Professor doktor doçent moçent proçent. Belə deyəndə insanlara daha ləzzət edir, düzdü birşey qanmırıq, amma hamı qanmış kimi aparır. "O boyda doktor doçent proçentdi" Yəni adama verilən ad belə çətindi gördüyü iş əlbəttə əla olacaq deməkdi bu. Bu arada bir də adam mütləq türk olmalıdı. Çünki xalqımızın millətinə olan güvənsizliyi məlumdu. Məsələn tv başında diyan (Bu söz belə bizə türklərdən gəlib, məsələn qayıd 1945-ə ulu babana de ki, tv başında dayanmısan, səni şapatdayar) və izlə. Aparıcının doktor professor doçent sözündən sonraki "Türkiyədən dəvət olunmuş" cümləsi, insanlara izləmə səbəbi verir, ancaq onun əvəzinə "professor Doktor doçent, Ramin Əliyev" sözünü eşidən izləyicinin get tullan sözü ilə əlinin pultun kanal dəyişən hissəsinə getməsi bir olur. Nəysə bu mövzunu biraz çox uzatdım. Verlişdəki Türkiyədən qonaq gəlmiş, yarı türkçə yarı azəricə (Yaxşı, Yaxşı Azərbaycan türkücə olsun. Turancıları qırmıyaq) danışan. (Məsələn Sizin kara ciyerinizde çirklenme prosesi gidiyor) professor doçent verlişə gəlib ancaq birazdan başına gələn şeylərdən xəbərsizdi. Əslində düz qarşısında oturan fiziki qüsurlu şəxsdən temanı tutmalı idi, amma həkimimiz məzlumdu. Bizim aparıcıları tanımır. İlk əvvəl fiziki qüsurlu şəxsin (Bu arada bu şəxs əlil, kor, lal-kar olsa daha yaxşıdı. Çünki bu vəziyyəti daha dramatik edir) həyatını arxa fonda Barış Mançonun "Gelpembe" mahnısı ilə trailer keçirlər. Fiziki qüsurlu şəxs heç bəlkə o vaxta qədər, həyatından bu qədər şikayətçi deyil, ancaq adam özü o trailer-i izləyib lomkaya düşür başlayır ağlamağa.