nisbətən yumşaltdı.
-Əsma ağlını başına yığ. Məni də düşün, özün hər şeyi yaxşı bilirsən.
-Yox ata, bu dəfə sən məni düşünməli olacaqsan. Mən Mahirdən başqası ilə əsla evlənməyəcəm.
Sözümü bitirib Mahirə tərəf addımladım.
-Əsma, bəs müqavilə?
Turalın ünvanladığı suala sadəcə gülümsəmişdim.
-Qaşınma Tural.
Səmranın xəbərdarlığından sonra Tural atama tərəf döndü.
-Etibar əmi, mənə söz vermişdiniz, Əsma ilə evlənib tanınmış bir iş adamı olmağım üçün əlinizdən gələni edəcəkdiniz.... Amma təəssüf ki, indi qızınız bir qatilin oğlu ilə evlənmək istədiyini deyir, siz isə sadəcə susursunuz.
Hər kəs donuq ifadə ilə bir birinə baxarkən mən baxışlarımı Mahirin üzündə cəmlədim. Üzündə yaranan məyus ifadə ilə gözlərini yerə dikdi.
-Nə qatili? Nə deyirsən sən?
-Əsmanın sevirəm dediyi adam. Bilirsiz kimdi? Vahid Muradovun oğlu hansı ki, illər əvvəl sizi öldürmək istəyən adam... Bu gün də bizim evi silahla basdı. Atasının oğlu.
Tural son cümləsindən sonra burnuna dəyən zərbə ilə döşəməyə sərildi. Ortalıq qan gölünə dönərkən Osman bəy Mahirin üstünə cumaraq yaxasından tutdu.
-Sən nə cürətlə oğluma əl qaldırırsan?
-Osman əmi onu buraxın.
Artıq göz yaşlarımı tuta bilmirdim.
-Osman burax... Turalı xəstəxanaya çatdırmalısan.
Osman bəy Mahiri geri itib Turalı qaldırdı.
-Etibar! Bu qədər oyun bəsdir. Bu adam iş otağımı dağıdıb dəlilləri məhv etmiş olsa da, artıq qarşımda heç kim dura bilməz səni məhv edəcəm. Səni iş dünyasından silmək üçün hər şey edəcəm.
Osman bəy təhditlərini sovurub getmişdi.
-Sən Vahid Muradovun oğlusan?
Bu olanlar deyəsən atama çatmırdı. Osman bəy bilərək ya da bilməyərək şantaj etdiyi dəlillərin məhv olduğunu demişdi amma atam bunu dərk etmirdi belə çünki gözlərini Mahirin üzündə sabitləmişdi.
-Niyə susursan? Cavab ver.
Atamın qəzəblə qışqırması qarşısında Mahir başını yellədi.
-Rədd ol evimdən!!!
Atam o qədər bərkdən çığırmışdı ki, hər kəs diksinmişdi.
-Eşitmirsən? Çıx evimdən.
-Amma biz... Əsma ilə.
-Əsmanın adını ağzına alma. Mənim