prezident seçkilərində iştirak edən bütün namizədlər Azərbaycan ərazilərinin işğalı prosesində onlara dəstək verdikləri üçün fars-molla rejiminə hədsiz minnətdarlıqlarını bildirirdilər. İranla Ermənistan arasındakı sərhəd-keçid məntəqəsinin Qarabağ müharibəsi zamanı ermənilər üçün "həyat yolu" olduğunu deyirdilər. Əslində elə bu faktın özü İran rejiminin Ermənistan və Rusiya ilə birlikdə Azərbaycan torpaqlarının işğalı prosesində iştirak etdiyini təsdiqləyir. İranın Ermənistanla bugünki münasibətləri də sübuta yetirir ki, fars-molla rejimi Azərbaycan torpaqlarının işğalında maraqlı olub. İndi bu simasız, İslamın bətnində qara yaraya çevrilən fars-molla hakimiyyətinin Azərbaycana qarşı yaxın qonşuluqdan, ortaq tarixi, mədəni və dini dəyərlərdən çıxış edərək ittihamlar səsləndirməsi sadəcə gülüş doğurur. Pah, Azərbaycanın İsraillə normal münasibətlər qurması molla rejiminin xoşuna gəlmir. Arqumentləri də İsrailin Fələstin torpaqlarını işğal etməsidir. Bu zaman nifrət və aqressiyadan bəsirət gözləri qapanmış mollakratiya təmsilçilərinə sual olunur, bəs siz nə üçün müsləman qardaşlarınızın, yaxın qonşularınızın torpaqlarını işğal edən şərəfsiz və rəzil ermənilərlə əməkdaşlıq edirsiniz? Axı İsrail hazırda İran adlandırılan ölkənin ərazilərini işğal etməyib. Ermənistan isə hələ də Azərbaycan torpaqlarını işğal altında saxlayır. Həmin torpaqlarda İslam abidələri ermənilər tərəfindən darmadağın olunub, Tanrıya ibadətə çağırış üçün nəzərdə tutulan minarələr uçurulub. Bütün ömürlərini Allaha ibadətlə keçirən, İslama İranın əksər ruhanilərindən daha çox və qəlbən bağlı olan müsəlmanların məzarları bir ovuc kafir tərəfindən viran qoyulub. Bəs hanı sizin müsəlman təəssübkeşliyiniz? Hanı sizin qeyrətiniz? Baş yarmaq, zəncir vurmaq, sinə döymək və gözdən zorla bir-iki damla yaş çıxarmaq İslam təəssübkeşliyi deyil. Kərbəla məktəbindən, İmam Hüseyn (ə.s.) şəhadətindən danışmağa öz xalqına və müsəlman qardaşlarına qənim kəsilən, zülm və rəzalət daşıyıcısı olan bir rejimin