Sadətlə birgə verib baş başa,
Arzular qəlbində çağlaya daşa.
Bu dünya durduqca firavan yaşa,
Ay qızım ad günün mübarək olsun!

Qorxma bu həyatdan, tufan, küləkdən,
Uzaq ol həmişə hiylə, kələkdən,
Bu sözü deyirik sənə ürəkdən,
Ay qızım, ad günün mübarək olsun!

Nə qədər arzun var, qoy olsun hasil,
Bu şənlik sənindi de, sevin, gül,
İnşəAllah bir yaşın olacaq yüz il,
Ay qızım, ad günün mübarək olsun!