GÜNAHKAR.
Afa. Q
Bölüm 14.
Sevginin tam tərifi olmasada insanlara güc və cəsarət vermək qabiliyyətinə malik olduğunu hər kəs bilir. Sevgi çox şeyə qadirdir. Güclü insanı zəif birinə,zəif insanıda çox çox güclü birinə asanlıqla çevirə bilər. Məhz bu səbəbdən sevginin qarşısında heç kim dayana bilmir...
Həsən və Hüsna pillələrin başında dayanıb baxışlarını bir-birinə sabitlədilər. Artıq hər ikisi öz yolunu çizmişdi. Onlar sevgilərini və bu sevgi uğrunda mübarizə aparmağı seçmişdilər. Həsən üzünə yerləşdirdiyi gülümsəmə ilə Hüsnaya güc verməyə,Hüsnada öz növbəsində Həsənin əlini sıxaraq ona güvəndiyini göstərməyə çalışırdılar. Yavaş-yavaş aşağı enib dayandılar. Təəccüb dolu baxışlar onları əsir alarkən həzin musiqi də dayanmışdı. Hüsna başını əyib yavaşca Həsənin arxasına keçdi çünki Səlim bəyin baxışlarındakı xəyal qırıqlığı onu çox utandırırdı.
-Hüsna,bu nə deməkdi!!!
Atasının əsəblə çığırması tir-tir əsməsinə səbəb olmuşdu.
-Ata....Biz.....Biz.
-Səlim bəy....
-Sən sus mən qızımla danışıram.
Səlim bəy Həsənin sözünü yarıda kəsib önə doğru addımladı.
-Səninləyəm Hüsna! Bu nə deməkdi?
-Ata mən onu sevirəm.
Hüsnanın qısıq səslə dediyi söz hər kəsi şoka salmağa yetmişdi.
-Səlim bəy,məni dinləməlisiz (Həsən tutduğu əli buraxmadan nisbətən önə gələrək cibindən çıxardığı bir qalaq əskinazı Səlim bəyə uzatdı) Hər şey bunlarla başladı. Bunlara görə oldu günahlarımda,həyatımı dəyişən sevgim də........Əvvəllər sizdən borc aldığım günə lənət oxuyurdum indi isə yaxşı ki,deyirəm.......Faizi ilə pulunuzdu.
Həsən pulları ruhdan fərqlənməyən Səlim bəyin əlinə tutuşdurub geri çəkildi.
-Hüsna,bəs mən? Məni necə yarıyolda qoyursan?
Həsən eşitdiyi səsə tərəf döndüyündə arıq və son dərəcə çəlimsiz birinin onlara tərəf gəldiyini gördü. Gözlərini qıyıb başdan-ayağa süzərək dilləndi.
-Elyar sənsən?
-Mənəm. Niyə soruşdun?
-Heç elə-belə.
Sözünü deyib var gücünü topladı və yumruğunu qarşısında dayanan oğlanın çənəsinə ilişdirdi. Elyar ağzı burunu qanlar içində yerə