Gənclik metrosunun yanında maşında oturub adam gözləyirdim. Bir də gördüm vay-şüvən qopdu.
Dönüb baxanda gördüm ki metronun qabağında bir "kişi" bir qadını döyür,yerə yıxıb təpikləyir,qadın da fəryad qoparır,amma heç kim yaxın getmir.
Öz-özümə düşündüm ki gör cəmiyyətimiz nə hala gəlib,küçədə qadını döyürlər,heç kim ayırmır.
Tez maşından düşüb bunlara yaxınlaşdım və "rembo" nun qolundan tutub kənara çəkdim ki "nağayrırsan?
Bu mənə əcəb edirəm filan deyəndə aramızda mübahisə çıxdı. Elə bu dəm polislər yaxınlaşdı. Polislər yaxınlaşıb məsələnin nə yerdə olduğunu soruşan kimi bayaq yerdə sürünüb fəryadlar qoparan qadın məni göstərərək "YOLDAŞ POLİS BU ADAM BİZİ NARAHAT EDİR, XAHİŞ EDİRƏM ƏRİMİ ALIN BUNUN ƏLİNDƏN" dedi.
Donub qalmışdım. Polislər qolumdan tutub maşna dəvət elədilər. Təbiiki mən mən kim olduğumu və məsələnin nə yerdə olduğunu anladandan sonra sağ olsunlar tanıyıb buraxdılar. Amma məni hələ də o qadının hərəkəti yandırır. Hadisə yerinə qayıdanda da gördüm ki evakuator maşınımı aparıb
RAUF QƏRİB ALAGÖZ