k istəmirəm. Tək onu deyə bilərəm ki, çox vacibdir.
- Yaxşı.
- Sabah saat 12 də çay kənarında səni gözləyəcəm.
- Gələcəm.
Camalı gələcəyinə inandırdıqdan sonra evə döndü. Çox həyəcanlı idi. Ürəyi ətrafdan duyula biləcək qədər bərk döyünürdü. Camal onu görüşmək üçün çağırmışdı həm də vacib bir məsələ üçün üstəgəl çay kənarına. Hansı ki, ora nişanlı cütlüklərin eləcə də bir - birini sevən gənclərin məkanı idi. İndi danışmaq üçün məhz oranı seçmiş olması gənc qızı sevindirmiş həm də hislərinin qarşılıqsız olmayacağı yönündə ümidləndirmişdi. Camal da heç ondan fərqli deyildi. Həyəcanlı şəkildə evlərinə doğru yol aldı. Yol boyu sabahkı görüşdə nə deyəcəyini, hardan başlayacağın, qəlbini neçə açacağını düşünüb durdu. Hər ikisi, Nazəndə də Camal da hisslərinin qarşılıqsız olduğundan ehtiyat edirdilər. Aralarındakı bağın fərqində belə deyildilər...
Axşam olduğunda Nazəndə ilə anası gözəl süfrə açmışdılar. Nazəndə qəribə bir narahatlıq içərisində idi. Bəlkə də başına gələcəklər, bu gecədən sonra yaşanacaqlar ürəyinə dammışdı. Bilmək olmaz... Elə bu vaxt qardaşıgil evə daxil oldu. Nazəndə hiss etdiyi qəribə narahatlığı bir qırağa qoyub qonaqları qarşıladı. Son gördüyündən bu yana Azadənin qarnı daha da böyümüşdü. Bibi olacağına çox sevinirdi gənc qız. Hal - əhvaldan sonra süfrəyə əyləşib yeməyə başladılar.
- Ata gəlişimizin çox gözəl bir səbəbi var.
Tahir nəhayət gəlişlərinin məqsədli olduğunu dilə gətirmişdi.
- Xeyir olsun oğlum.
- Xeyirdir ata xeyir... Başımıza taleh quşu qondu.
Danışarkən gözlərinin parlaması Nazəndənin ürpərməsinə səbəb olurdu.
- Oğlum nə danışırsan? Nə talehi? Nə quşu?
- Ata elə bir şey oldu ki, eşidəndə sizdə təəccüblənəcəksiz... Deməli dünən dükkana bələdiyyənin sədri gəldi və sabah bura gəlmək istədiklərini dedi. Ata inana bilirsən? Bələdiyyə sədri bizimlə qohum olacaq. Oğlu Nazəndəyi görüb çox bəyənib. Dedim bu gündən gəlim deyim ki, elçi gələcək hazırlıq görülsün.
- Ay bala, o boyda bələdiyyə sədrinin bizimlə nə işi? Əminsən