arasında böyük hörmət və ehtiram var və gələcəkdə də belə olacaq. Heç bir müasir təhsil texnologiyası müəllim əməyini əvəz edə bilməz. Amma cəmiyyət müəllimə borclu olduğu kimi, müəllim də cəmiyyət qarşısında öz borcunu, məsuliyyətini hiss etməlidir.
Heç şübhəsiz ki, müstəqil Azərbaycanımızın müəllimlər ordusu xalqımızın gələcək xoşbəxt həyatı üçün bütün imkanlarını səfərbər edəcək, xalqımıza layiq vətəndaşların yetişdirilməsində öz xidmətlərini əsirgəməyəcəklər.
MÜƏLLİM – bu sözdən müqəddəs nə ola bilər?! Çoxlarımız fikirləşib deyərik ki,yalnız “Ana” və "Vətən" kəlmələri!
Amma, daha dərindən fikirləşsəniz anamız bizi dünyaya gətirib ilk addım atmağı, ilk sözləri deməyi öyrədibsə, müəllimlərimiz də ağ vərəqlər üzərində ilk dəfə “Ana, Ata, Vətən,” kəlmələrini yazmağı öyrətmiş, onların mənasını açıqlamış, bizə uzaq ulduzların sirrini açmış, tariximiz və keçmişimizlə tanış etmişdir. Onlara da Anamıza olan eyni ehtiram və sevgi ilə yanaşmağımız düz olmazdımı?
Onları sıralamamalıyıq, birinci və ikincilərə bölməməliyik.
Hər il 5 oktyabr 100-dən çox ölkədə Beynəlxalq Müəllim günü (World Teaches' Day) qeyd edilir. Bu bütün müəllimlərin, təhsil sistemi işçilərinin peşə bayramıdır.
Müəllimlərin sözlə ifadə olunmayacaq dərəcədə böyük zəhməti və dəyərli xidmətini azacıq da olsa qiymətləndirmək üçün bu bayram bir vasitədir.
Bu gün bütün dünyada olduğu kimi, Azərbaycanda da hörmətli müəllimlərimiz üçün əziz gündür - müəllim adını daşıyanlar, bu adın dəyərini bilənlər öz peşə bayramını qeyd edirlər.
Biz də bu bayramın sevincini onlarla bir hiss edərək Əziz Müəllimlərimizi təbrik etmək istəyirik.
Həm orta və ali məktəbdə mənə savadlı olmağı, daim öyrənməyin və öyrətməyin necə gözəl bir şey olduğunu başa salan, elmə, təhsilə
ürəyimdə sevgi yaradan müəllimlərimi, həm də həyatın çətin yollarını keçməkdə, pisi yaxşıdan ayırmaqda , səbrli olmaqda mənə yol göstərən, həm sevincli, həm də kədərli anımda daim yanımda hiss etdiyim əziz müəllimimi, onların simasında