ə qucaqladılar ki, sanki onları niyə tək qoyduğunun hesabını soruşurdular. O an peşman olmuşdu Camal. Ailəsindən uzaqlaşdığı üçün, onları tək qoyduğu üçün məyus olmuşdu.
- Ana, atama nə oldu birdən - birə? İndi necədi?
- Bizdə hələ tam bilmirik oğlum. Şəkəri çox yüksəldi, təzyiqdə var. Səhər gətirdik sonra da sənə xəbər etdik.
- Bəs bu qədər vaxtda həkim heçnə demədi?
- Yaxşı olduğunu dedi amma ətraflı danışmaq üçün səni gözlədik.
- Onda keçək həkimin yanına.
Camal anası ilə birlikdə həkimin otağına gəldilər.
- Həkim olar?
- Əlbəttə buyurun, əyləşin.
- Həkim, atam indi necədi?
- Fərəh xanıma da demişdim. Hal - hazırda təzyiqi və şəkəri normala düşüb yəni vəziyyəti stabildir. Ancaq bundan sonra daha diqqətli olmalısınız. Əğər bu hal birdə təkrarlansa çox ciddi fəsadları ola bilər. Bundan sonra yeməyinə xüsusi diqqət göstərin. Sizə verəcəyim pəhrizə uyğun davam etsəniz lap yaxşı olar. Dərmanlarını vaxtı vaxtında qəbul etsin və bol - bol istirahət etsin. - həkim üzünü Camala tutub davam etdi - Dərmanları bu gün almalısız.
-Əlbəttə.
- Baxın, bu sonda yazdığım dərmanı indi almalısız. Çox güclü dərmandır elə bu axşamdan xəstəyə verməyə başlasaq yaxşı olar. Qeyd etdiyim kimi güclü dərman olduğundan hər yerdə tapmaq olmur. Rayonda yalnız Bəxtiyar Mamedovun əczaxanasında mövcuddur... Camal bəy hava qaralmadan getsəniz əczaxana bağlanmadan yetişərsiniz.
Camal həkimin əlindən resepti alıb ötəri nəzər yetirdikdən sonra başını qaldırdı. Anasının qəribə baxışlarını önəmsəmdən həkimə tərəf döndü.
- Əczaxana hansı tərəfdədir?
- Bura yaxındır. İki küçə sonra kimə desəniz göstərər.
Camal başını razılıq mənasında yelləyib otaqdan çıxdı. Bu ad - soyad ona hardansa tanış gəlirdi amma indi bunu düşünəcək halda deyildi. İti addımlarla çıxışa doğru irəlilərkən bacısının səsinə ayaq saxladı.
- Camal, həkim nə dedi?
- Bacı, anam deyər. Mən dərmanları almağa gedirəm.
- Hardan alacaqsan?
- Bəxtiyar Mamedovun əczaxanasından.
- Lap yaxşı... Nazəndənin ərinin əczaxansıdı,