m məni geri göndərmə.
Nazəndə nə qədər dik durmağa, güclü görünməyə çalışsada ürəyinin qorxu ilə döyünməsinə mane ola bilmirdi. Yenidən göz yaşlarına boğulmuşdu.
- Yox qızım yox. İki dünya bir araya gəlsədə onlara verəcək qızım yoxdu artıq. Məndə övünürəm ki, qızım o ailədə xoşbəxtdi. Sən demə öz əllərimlə qızımı oda atmışam. Ah qızım ah... Biz sənə nə böyük pislik etmişik sənə. İndi sənə bizi bağışla desək nə fayda.
- Bağışla məni qızım. Əlim qırılıb yanıma düşəydi sənə evlən deyə vurduğum yerdə.
Ata - anası qızlarının önün iki qat olub əff diləyirdi. Nə acı bir mənzərə.
- Qurban olum etməyin belə, keçəcək. Siz mənə dəstək olun keçəcək.
Fərhad kişi qolun qızının boynuna doladı.
- Əlbəttə keçəcək gözəl qızım. Mən sənə öz əllərimlə zərbə vurmuşam indi o yaranı mən sağaltmalıyam.
O axşam rahat bir nəfəs almışdı Nazəndə. Bilirdi artıq güvəndə olduğunu. O, bu axşam ailəsindən eləcə də Camaldan güc almış onların dəstəyini hiss etmişdi. Nazəndə hər şeyi danışmağın verdiyi rahatlama ilə elə divandaca yuxuya daldı. Gülər xanım səssizcə ağlamağa davam edərkən Fərhad kişi siqareti - siqaretə calayırdı.
- Fərhad, nə olacaq indi?
- Nə, nə olacaq boşanacaqlar.
- Onların asanlıqla qəbul edəcəyinə inanmıram.
- Hələ bir etməsinlər... And olsun ki, darmadağın edərəm o ailəni. Qızın halına bax...
- Biz nə etdik belə ay kişi? Nazəndənin üzünə baxa bilmirəm. Bizi balamıza qarşı peşman etdiniz, sizi görüm peşman olasınız.
Gülər xanım ah - vay edərək digər otağa keçib Nazəndə üçün yataq hazırladı.
- Nazəndə, Nazəndə dur yerinə yat.
Nazəndə qalxıb otağa keçərək yerinə uzandı və huzur içində yuxuya daldı.
Səhər artıq Nazəndənin boşanma xəbəri kəndə yayılmışdı. Bulaqların başında yenə "söhbətlərin" baş qəhrəmanı Nazəndə idi. Eynən 6 il əvvəl ki, kimi.
- Görəsən niyə boşanıb?
- Az gül kimi yer idi getmişdi də. Otrub arvad ola bilmədi.
- Əri gün vermirmiş deyirlər.
- Guya bizlər bir əlimiz yağda bir əlimiz balda yaşayırıq. Dözərdi biraz.
- Bəsdi sən Allah, hər gün