vazkeçməyəcəm bunu ağlına yaz.
- Keçməlisən.
- Mən səni bir dəfə itirmişəm, bir daha olmaz. Dayana bilmərəm, bu dəfə həqiqətən dayana bilmərəm... Sən evləndiyində 6 il boyunca nəfəs ala bilmədim. Sən bunun nə demək olduğunu bilirsən? Çox çətin olsada dayandım inan ki, amma hər zaman bir ümidim var idi. Bir gün bir möcüzə olacaq və mən heç ayrılmamaq üzərə sənə qovuşacam deyə. Naz, sənə olan sevgim hər şeyə rəğmən azalmaq əvəzinə artdı. Sən de mən səndən necə keçim? Yenidən nəfəssiz necə dayanım? Necə yaşayım?
Camalın sözləridən sonra araya dərin bir sükut çökmüşdü. Nazəndənin qəlbi, ruhu çoxdan Camala təslim olmuşdu. Ancaq ağlı - məntiqi onu durdururdu çünki rayon yerində bunun qəbul edilməyəcəyini yaxşı bilirdi. Nazəndə əmin idi ki, əgər elə bir şey olsa, yenidən kəndin "bulaqbaşı söhbətlərinin" mərkəzi olacaqdı. Heç günahı olmadığı halda adı Camalı yoldan çıxaran qadına çıxarılacaqdı. Nazəndənin artıq bir zərbəyi daha qldıracaq gücü yox idi. Onsuz da Azadənin gedişini belə onun boşanmış olması ilə əlaqələndirirdilər. Bəzən niyə boşandım deyə düşünüb özünü günahlandırmağa başlayırdı. Elə həmin an döyüldüyü günləri xatırlaması ilə düşüncəsindən daşınıb yaxşı ki deməsi bir olurdu.
- Hər kəs o qədər üstümə gəlir ki, günahım nədir deyə çox düşünürəm.
Nazəndə kövrək səsi səssizliyi pozdu.
- Oysa ki, mən sadəcə özümü daha da əzdirməmək üçün geri qayıtdım. Heç kim boşanmaq üçün evlənmir, bunu düşünmədən məni dırnağ arası qadın elan etdilər. Evlənək deyirsən... O zaman belə bunların davam edəcəyini yaxşı bilirəm. Hətta 5 qat artıq, ona görə olmaz deyirəm. Məni başa düşməyə çalış. Ailəmin yaşadıqları ortadadı. Yenidən adımın hallanmasını istəmirəm. Boşanmış qadın oldum, biqeyrət qardaşın bacısı oldum bir də subay oğlanı yoldan çıxaran qadın olmaq istəmirəm.
- Nə demək istədiyini, qorxularını, narahatçılığını çox yaxşı başa düşürəm amma onu bil ki, bütün bunlar yəni kimin nə dediyi mənə maraqlı deyil. Mənim qərarım qətidir.
- Məni heç cürə başa düşmürsən. Mən