s siz?
Yaşlı bir kişi önə doğru addımlayıb dilləndi.
- Bu qız neçə illərdir burda işləyir hamımız görürük. Göydə Allah var bir gündən bir günə heç yolda başını qaldırdığını da görmədik.
Nazəndə bunu gözləmirdi. Camal onu hər kəsə qarşı müdafiə etmiş qınayanlara nəyin nə olduğunu göstərmişdi. Yaşlı gözlərni Camalın üzündə gəzdirir, qəlbində isə onunla qurur duyurdu.
- Tamaşanız bitdimi?
Fərəh xanımın kinayəli sözündən sonra Camal anasına dönüb acı - acı gülümsədi.
- Elə isə mən danışa bilərəm hə oğlum? Mən haqsız deyiləm çünki məni boşanmış birini gəlin deyə qəbul edə bilmərəm. Buna görə günahkaram?
- Əlbəttə yox. Həm bu bizim məsələmizdir. Mənim əsəbləşdiyim mövzu bu gün etdiklərindi.
- Fərqindəyəm düz eləmədim. Amma mənim səninlə bağlı o qədər arzularım, o qədər xəyallarım var ki.
- Ana, mən bu gün hara getmişdim bilirsən? Tələbə yoldaşımın cənazəsinə. Sevdiyi qızla təzəcə nişanlanmışdı amma yol qəzasında öldü getdi. Onun da o qədər arzuları, xəyalları, ümidləri vardı. Amma bir avtomobil qəzası hamısını alıb apardı. Mənimlə eyni yaşda idi yəni ömrünün baharındaydı amma artıq yoxdu... Ay ana, nə bilirsən mənim başıma sabah nə gələcək. 3 gün, 3 ay, 3 il nə qədər ömrüm olduğunu kim bilir? Heç kim... Bu qısa ömrümdə izin ver xoşbəxt olum. Nə yaşayacaqsam sevdiyim qadınla yaşayım. Mən səni başa düşürəm amma təəssüf ki, sənin xəyallarını gerçəkləşdirə bilməyəcəm. Ana, həyat çox qısadı inan ki, çox qısadı. Ancaq bu qısa həyatda sən mənim xəyallarımı gerçəkləşdirə bilərsən. Çünki mən özümü tanıdığım andan bəri qəlbimdə yalnızca Nazəndə var, mənim xəyallarımda yalnızca o, var. Qurban olum ay ana, izin ver xoşbəxt olum.. İndi sən, "yox" desən bil ki, bu tutduğum əli (Nazəndənin əlini bərk tutub yuxarı qaldırdı) burdaca buraxıb gedəcəm. Birdə bu kəndə tərəf əsla dönməyəcəm. Amma "hə" desən sənin bundan sonrakı xəyallarını gerçəkləşdirmək üçün əlimdən gələni edəcəm. Qərar sənindi ana.
Camalın dedikləri hər kəsi göz yaşına boğmuşdu. Fərəh xanım sözün əsil mənasında