. İnanmıram ki, sənin kimi bir qadın ikinci dəfə dünyaya gələ.
- Yaxşı görək, az təriflə.
- Bunlar tərif deyil Naz, sənin haqqında doğrulardı. Mən dünyanın ən şanslı kişisiyəm. Düzdü bəzən səhv edirəm amma Naz, bunu bil ki, mən səni çox sevirəm. Son nəfəsimə qədər də yalnızca səni sevəcəm.
- Məndə səni çox sevirəm.
Beləcə günlər öz axarında ötüb gedirdi. Camal artıq rayonda çalışırdı. Səhərlər işinə gedir, axşamlar isə evə dönürdü. Beləsi hərkəs üçün daha xeyirli idi. Firəngizin hamiləliyi yavaş - yavaş problemsiz şəkildə irəliləyirdi. Hər zaman olduğu kimi indi də onun ən böyük dəstəkçisi Nazəndə idi. Nazəndə çox böyük ürəyə sahib bir qadın idi. Camalın gələcəyi üçün hər şeydən vaz keçmişdi. Onun yerində başqası olsaydı bucür davranmağı imkansızdı. Nazəndə Firəngizə və doğulacaq körpəsinə gözü kimi baxırdı. İki yaralı qadın bir - birilərinə həmdəm olmuş bütün ümidlərini doğulacaq körpəyə bağlamışdılar. O qədər mehriban idilər ki, hətta tanımayan biri ilk baxışda onları günü yox yaxın rəfiqə zənn edərdi.
Günlər həftələri, həftələr isə ayları əvəzləmiş 8 ay tamamlanmışdı. Doğuşa 1 ay qala bütün gözlər Firəngizin üzərində idi. Çünki həkim doğuş zamanı bəzi risklərin meydana gələ biləcəyindən bəhs etmişdi. Bunun səbəbi Firəngizin ilk evliliyində körpəsini itirmiş olması və yaşadığı streslərdən dolayı zəifləmiş bədəni idi. Körpənin sağlam dünyaya gəlməsi və ananın həyatda qalması üçün son bir ayını stressiz keçirməli idi. Nazəndə Firəngizi heç gözündən qoymurdu.
Səhər Camal işə getdikdən sonra Nazəndə yır - yığışla məşğul olarkən biranda Firəngizin otağından yüksələn çığırtılara ora yüyürdü.
- Firəngiz, nə oldu? Yaxşısan?
- Nazəndə, çox sancım var. Qanaxmam da var.
Firəngizin ah - naləsi qarşısında Nazəndə özünü tamam itirmişdi. Səsə Fərəh xanım da qaçaraq otağa daxil oldu.
- Nazəndə, tez xəstəxanaya çatdırmalıyıq... ( Fərəh xanım təlaşla davam etdi ) Nə edəcəyik ay bala Zaur da yoxdu evdə. Ay ALLAH özün kömək ol.
- Nazəndə, qurban olum bir şey elə