Nazəndə, mən həyatımda sənin kimi güclü, iradəli, böyük ürəyə sahib ikinci bir qadın görmədim tanımadım. Görəcəyimi də düşünmürəm... Mən bu evə günü gəldim amma sən buna baxmayaraq mənə tamam başqa münasibət göstərdin. Sən mənə deyil bir gününün, heç doğma bacının belə etməyəcəklərini etdin... Hər kəsdən üzr istəyirəm, çətin hamiləlik keçirdim. Yeri gəldi məni öz əllərinlə yedizdin, yeri gəldi əllərinlə çimizdirdin... Xəstəxanaya getməzdən əvvəl sancım olduğunda o qədər əmin idim ki, sağ qalacağımızdan... Çünki sən vardın... "Nazəndə izin verməz bizə nəsə ola" dedim sadəcə... Bunları etməyinin bir səbəbi də Camala olan məhəbbətindi bilirəm. Bir şeyi bil ki, heç kim onu sənin kimi sevə bilməz. Yalnız sən... Yalnız sənin kimi biri bacaradı bunu... Nazəndə, mənim sənə olan minnətim təşəkkürüm sonsuzdu. Mən o, uşağı sağ - salamat qucağıma ala bilirəmsə bu sənin sayəndədi. O, ən çox ikimizin qızıdı. Mən onu dünyaya gətirən anasıyamsa sən də ona həyat verən anasısan. Qızımıza ad qoymaq hər kəsdən çox sənin haqqındır.
Firəngizin sözlərindən sonra məclisdə oturan hər kəs göz yaşı axıdırdı. Camalın ürəyi dağa dönmüşdü. Həm Nazəndə haqqında deyilənlərə həm də Firəngizin bu qədər təmiz qəlbli olmasına görə. Nazəndə yanaqlarını qurulayıb dilləndi.
- Firəngiz, bunları gördüyün və qiymətləndirdiyin üçün əsas mən təşəkkür edirəm... Məncə qızımızın (gülümsəyir) adına Camal qərar versin.
Hər kəs Camala baxarkən o, gülümsünüb dilləndi.
- SEVİNC.
Hər kəsin ürəyinə yatmışdı bu ad. Molla duasını oxuyub uşağın qulağına adını oxuduqdan sonra qonaqlar yavaş - yavaş dağılmağa başladı.
- Naz,
Nazəndə Camalın səsinə boşqablarını qoyub geri döndü. Camal daha da yaxınlaşıb dodaqlarını həyat yoldaşının alnına sıxdı.
- Naz, bilmirəm sən mənim hansı yaxşılığımın mükafatısan... Nə yaxşı həyatımdasan. Səni sevirəm və səninlə qurur duyuram.
Camalın bu qədər içdən danışması Nazəndənin göz yaşlarını yanağı boyu süzülməsinə səbəb