Və durmadan dara çəkilməkdən
gözdən itibsə gedən
Və bilmək ki,
Qan hopan bayrağa and içməyə
üzü gəlməkdir Vətən.
Bir adam düşün,
Azadlığa səsdi səsi
Bir adam düsün
Aşiqdi ona Alovlar Ölkəsi...
Bir adam düşün ki,
Qurduğu dövlətin sonu
Nə iya, nə stan -
qoynundan torpağınacan
Candı, can.
Qoruya bilsəydik əgər,
Qürurla söyləyərdik:
Vətən məndən başlayır
Ta Tanrıyacan...
Amma indi
anasının qan sızan yarasına
sığınan uşaq kimi
torpağının qulağına pıçıldamağa
gəlir üzümüz:
Ey milyon yerə parçalanan,
"İtirilən torpag "deyib
Gövdəsindən haçalanan,
ey cənubunda Günəş donan
ey şimalında bağrı yanan
ey neft qoxan
ey qanı axan
eey…
İndi əhv diləməyə
Nə üz var, nə də vicdan…
Sənə bir ovuc torpaq qıymayan şanlı gülüstan…
Hər qarış torpağında haqqın var isə
Əhv etmə bizi, ulu Adam!
Bağışlama, Azərbaycan…


Qanlı 20 yanvar ... Allah bütün şəhidlərimizə rəhmət etsin.