Səndən sonra başladı nəfəsimdə daralma
Ürəyin sənə gedən damarları tıxandı
Əllərimi bilirsən yenə də tir tir əsir
Əllərimi bilirsən hələ də darixandı..

Səndən sonra öyrendim xəstəliyin adını
"Pis şey" deyirdi nənəm, "pis şeyə" tutulmuşam.
İnsan idim nə vaxtsa,əlim qolum ayagım
İndi xərcəngə dönüb dənizə atılmışam

Sən cəkdiyin siqaret bahalaşıb deyəsən
Mən hələ də ölmürəm süni nəfəs alıram
O sarı həblər daha bulandırmır mədəmi
Bir söz deyim qınama deyəsən sagalıram..

Deyəsən səndən sonra kücələr də dəyişib
Qocalıb gözləməkdən yazıq o dalan ,o tin
İndi təzə adı var sən yaşayan kücənin
Mənimsə xatirimdə qalıb elə "Paluxin"

Səndən sonra qatarlar vaqon- vaqon kədərdi
Dayanıb gözləyirəm hacansa dayanacaq!
Gözləyirəm desin ki "burdan düz ona gedir "
Növbəti stansiya ,növbəti dayanacaaq.

Beləcə kecir günüm beləcə yaşlanıram
Daha ovutmur məni yazmadıgım şeirlər
Dərd yazıram dərdimə əl calıb, gül verirlər
Dərd yazıram dərd ee dərd bəxtəvərdi deyirlər.

Ruhum çıxır yuxarı, qanım aşagı düşür
Damarıma kəpənək qonub gözləyir məni
Yaddaşımın yaddaşı pozulub sən gedəndən.
Bəzən salır yadına bəzən unudur səni.

İstanbulda bir evin "yogun bakım" otagı
"Giriş qadagandır"a baxma gəl gir icəri
Gəl bircə gecə yaşa,gəl gir öz gözünlə gör
Bədənimə darasan balaca xərcəngləri..