Hansısa bir oğlan,bir qıznan gəzir
Sevgi yox,çıxardır ehtiras dadın
Tədricən vaxt keçir,o qızdan bezir
Sonradan quş qoyur o qızın adın

Nömrəsin paylayır dosta,qardaşa
Deyir ki gəzmişəm,qızla qol qola
Çox heyf bir şeyi düşmür ki başa
Sabahın anasın çəkir pis yola.

Sən ləkə yaxırsan,təmiz birinə
Var,bu günahların hələ ardı var
Özgələrin qoysan sən öz yerinə
Deyərdin nə böyük günahkardılar

Sənin oğlanlığın bunamı çatır?
Şəhvətin üstdədir,əxlaqın altda
Mən yaxşı oğlanam söyləmə,yatır
Səndəndə yaxşısı torpağın altda.

Qadına zərif yox,zəif deyəni
Görsəydim deyərdim,zəif adındır
Özünü qadından üstün biləni
Dünyaya gətirən elə qadındır.

Qadın ağ vərəqdir,əl dəysən əgər
Bir ömür silinməz,əl izin qalar
Zamanə fırlanar elə vaxt gələr
O qızı ən yaxın qohumun alar.

Kuklaya bənzərdir əxlaqsız qadın
Eləsi sevgiyə qaynamaz heç vaxt
Məgər unutmusan kişidir adın?
Kişilər kuklaynan oynamaz heç vaxt