Sizə də xoşbəxt görünür şəkildə gülən adam?
Bəzən getməkdən gözəldir çıxıb getmək istəyi.
Ona görə deyirəm ki, əziz çıxıb gedən adam,
Səni görməkdən gözəldir, səni görmək istəyi!

Arada, nə yalan deyim, istəmirəm gələsən,
Sizə gəlməkdən gözəldir sizə gəlmək istəyi!
İstəmirəm adiləşib, adiləşib öləsən
Elə ölməkdən gözəldir belə ölmək istəyi!

Mənə heç vaxt danışma ki, haradasan, necəsən?
Bunu bilməkdən gözəldir bunu bilmək istəyi
İncidinsə gərək bir az günahımdan keçəsən
Mənə hələ maraqlıdır "özünü dərk" istəyi.

Kimdir axı bizə verən bu qəribə dəstəyi?
İbadətdən böyük olur zikr edənin duası
Tanrıdan çox kiçik olur Tanrı olmaq istəyi
Adamdan çox böyük olur adamlıq iddiası

Gülüşdən dəhşətli olur adi gülmək istəyi,
Mən həyatı belə sevdim, ağıyla, qarasıyla.
Səni sevməkdən gözəldir səni sevmək istəyi,
Bütün mümkünləri ilə, bütün qadağasıyla...

Raqif Raufoglu