Fransızlar deyir ki, şərabı qadının körpücük sümüklərinə tök. Şərab qalarsa, qadın gözəldir.

Bizim kimi özünün səhv olduğunu qəbul etməyən insanlar düz olanı hardan tapsınlar? Səhv çıxmasan düzü necə tapa bilərsən?

-Bilirsən bizdə hamını niyə evləndirməyə çalışırlar? Qorxurlar deyə.
-Nədən qorxurlar?
-Tək qalmaqdan.

Bir səhvi bir nəfər edəndə səhvdir, çoxluq edəndə düzdür.

15 ildir evli olub özünü xoşbəxt hiss edən kişi var? Ya 30 il əri ilə yaşayan qadın nə vaxtsa Marsda da onunla yaşamaq istəyərmi?

Mişel Montenin insan təbiəti ilə bağlı dediyi bu cümləni unutmaram. “ Bir insan yaratmaq istəsək, bununla gizlincə məşğul oluruq. Bir insanı öldürmək istəsək, bunu hamının gözünün qabağında edirik”.

Yaradıcı adam hər şeydən əvvəl bir məhvedici olmalıdır"-Nietzsche belə deyirdi.

Bilirsən, bəzən ölümdən də kədərli şeylər var
-Nə?
-Ölmüş adamın paltarları… Atam öləndə 11 yaşım vardı. Anam atamın paltarlarını məscidə aparıb verdi. Dedim ki, “niyə verdin, qalıbdı da”. Anam dedi ki, “niyə qalır, kim geyinəcək?”Qonşumuzda bir kişi var, arvadı maşın qəzasında öldü. Qonşular deyirdilər ki, hər gecə arvadının paltarlarını qucaqlayıb ağlayırmış. Məncə anam atamın əşyalarını görmək istəmirdi. Bu, daha çox adamı incidir. O vaxtı başa düşməzdim. Amma indi anlayıram ki, insanın ölümündən çox, ondan qalan əşyalar daha kədərli görünür.