*19 kəbirə günahı tanıyaq - şirk, rəhmətdən ümidsizik, tərki-namaz, qətl, sələm, fərarilik, cadugərlik, yalan, şərab, qəti-rəhm*

*İmam Kazım (ə) buyurur:*
_Əmr ibn Ubeyd Bəsri İmam Sadiqin (ə) yanına gəlir._
_Salam verib əyləşir.
Bu ayəni tilavət edir: «وَ الَّذینَ یجْتَنِبُونَ کَبائِرَ اْلإِثْمِ وَ الْفَواحِشَ»_

_Ayənin qalanını oxumaqdan çəkinir._
*İmam Sadiq (ə) soruşur:*
_“Niyə sükut etdin?”. Deyir: “İstəyirəm ki, kəbirə günahları əvvəl Qurandan tanıyım”.
Həzrət (ə) buyurur: “Eybi yoxdur.
Ey Əmr! Böyük kəbirələr bunlardır:

1. Allah Təalaya şirk edəsən.
“Şübhəsiz, Allah Ona şərik qoşana cənnəti haram edər və onun qalacağı yer oddur”.
(“Maidə” 72).

2. İlahi rəhmətdən ümidsiz olmaq.
«Ey mənim oğlanlarım, gedin Yusufu və qardaşını axtarın və Allahın qurtuluş və mərhəmətindən naümid olmayın ki, Allahın mərhəmətindən kafirlərdən başqa heç kim naümid olmaz».
(“Yusif” 87)

3. Allah Təalanın məkrindən amanda bilmək.
“Belə isə, məgər Allahın məkrindən və qəfil əzabından xatircəmdirlər?
Halbuki, ziyana uğramış dəstədən başqa heç kəs özünü Allahın məkrindən amanda bilmir”.
(“Əraf” 99).

4. Ağvalideyn olmaq.
İsanın (ə) dilindən buyurur: “Və məni anama xeyirxah edib və təkəbbürlü, itaətsiz və rəhmətdən məhrum etməyib”.
(“Məryəm” 32).

5. İnsanı qətl etmək.
“Kim bir mömini qəsdən öldürsə (və bu əməli halal hesab etsə), onun cəzası cəhənnəmdir ki, orada əbədi qalacaqdır”.
(“Nisa” 93).

6. Günahsız qadına zina nisbəti vermək.
“Həqiqətən iffətli, (günahdan) xəbərsiz, imanlı qadınlara zina isnad verən kəslər dünyada və axirətdə lənətlənmişlər və onlar üçün böyük bir əzab vardır”.
(“Nur” 23).

7. Yetim malını yemək.
“Həqiqətən yetimlərin mallarını zülm ilə yeyənlər əslində qarınlarına od daxil edirlər”.
(“Nisa” 10).

8. Müharibədən qaçmaq (fərarilik).
“Onlara arxa çevirən kəs mütləq, Allahın qəzəbini özünə qoşmuşdur və onun sığınacağı cəhənnəmdir”.
(“Ənfal” 16).

9. Sələm yemək. “(Sələm yeməyə) qayıdan