örtülü qaldı. Özünü ondan qorumaq üçün atdığı, ya o arxasıyca düşən şərəfsizin onu öldürdüyü ortaya çıxmadı. Melisin qatili tutulmadı Cenni. Üstündən 8 il keçib. Hər il onu ziyarətə gəlirəm. Ürəyimdə azacıq bir dərd olanda da orda oturururam. Beləcə 8 ili geridə qoydum- dedi. Araya sükut çökdü. Cenni ayağa qalxaraq Mikayılın yanına gəldi. Kürəyindən qucaqlayaraq
- Çox təəssüf edirəm Mikayıl. Böyük, izah olunmaz acıdı. Ruhu şad olsun. Buna əminəm ki, o da səni sənin onu sevdiyin qədər çox sevirmiş. Çox təəssüf edirəm- dedi
Mikayıl üzünü Cenniyə çevirərək:
- Artıq bu acıya öyrəşmişəm. Həyatıma davam etməyə qərar vermişəm.
- Düzdü, yoxsa həyatla mübarizə apara bilməzsən.
Bir qədər səssizlikdən sonra Mikayıl Cenniyə dedi:
- Sən danış, niyə Alexanderə ərə getmisən gənc yaşında?
Bu vaxt Cenniyə zəng gəldi. Teresa idi. Cenni telefonu açdı və evə getmək vaxtı olduğunu anladı. Zəngi bitirdikdən sonra:
- Mikayıl saat gec oldu. Birazdan səhər açılacaq. Artıq evə gedək. Sabah sənə hər şeyi anlatacağam.
Mikayıl başı ilə təsdiqlədi və evə doğru addımladılar.
Sabahısı gün Cenni yerindən qalxan kimi Mikayılın ona danışdıqlarını xatırladı. İstəmsizcə içində narahatlıq hissi yarandı. Mikayılın Melisə olan sevgisini qısqanırdı. 8 il əvvəl faciəvi şəkildə ölmüş biri üçün kədərlənməkdən onu qısqanırdı. Sonra bu hissə qapıldığına görə özünə nifrət etdi. Sakit səslə Mikayılın ilk saf sevgisi olan Melisdən üzr istədi. Bu hadisəni unutmaq üçün İanın yanına gəldi. Neçə gündür onun qayğısına qalmadığını üçün yenə özünə nifret etdi. İanı qucağına alaraq qoxlayıb, öpməyə başladı. Sonra neçə gündür evdə sakitlik olduğunu xatirlayaraq sevindi. Mikayılın verdiyi çiçəklər artıq solmuşdu. Cenni məyus halda çiçəklərə yaxınlaşdı. Götürüb atmağa ürəyi gəlmədiyi üçün onlara dəymədi. Cenni üstünü dəyişərək oğluyla birgə aşağıya düşdü. Yemək süfrəsi hazırlanmışdı. Alexander gəlib süfrəyə oturanda Cenni İanı Teresaya verərəko da süfrə başına gəldi. Yenə Melisi qısqandığı anı xatırladı.