o qədər parçaladı ki, bütün uşaqlığım, xatirələrim eləcə yanaraq kül oldu. Alexanderin bu qədər qəddarlığı məni günü gündən qorxudurdu. Bəzən, çox az hallarda mülayim olurdu. Sonradan öyrəndim ki, bir ara psixoloji rahatsızlıq ucbatından xəstəxanaya yatırılıbmış, müalicə olunmadan çıxıbmış... Mənə o evdə ən yaxın olan İanın baxıcısı Teresa oldu.. Belə Mikayıl hər kəsin bir hekayəsi var. Bu da mənim bədbəxt hekayəm.
Mikayıl ayağa qalxaraq Cenniyə yaxınlaşdı. Onun yumru, göyçək sifətini ovucunun içinə aldı və çox sakit səslə:
- Cenni, bu qədər əzaba necə qatlanmısan?
Cenninin göz yaşları Mikayılın yoğun barmaqlarını isladırdı.
- İan sayəsində, ancaq sən həyatıma daxil olduqdan sonra mən bu günə qədər yaşamadığımı öyrəndim- dedi Cenni.
Mikayılın qıyıq gözləri birazda qıyıldı. O içindən keçənləri deməyin tam vaxtı olduğunu hiss edərək dedi:
- Bundan sonrakı həyatının hər saniyəsində yanında olmaq istəyirəm Cenni. Əgər mənə izin versən səni sonsuza qədər sevərəm. İana atalıq edərəm...
Cenni, Mikayıl sözlərinin davamını gətirməyə icazə vermədən onun əllərini geri çəkdi və göz yaşlarını silərək:
- Mikayıl, mümkün olmayacaq vədlər vermə mənə. Sənə Alexanderin necə biri olduğunu dedim. Sənin bu dediyin heç bir zaman olmayacaq. Bir gün sən də başqasını sevəcəksən, mənə acımağını istəmirəm. Cenni qaşının birini yuxarı qaldıraraq çox sərt şəkildə dedi.
Mikayıl Cenninin onun hisslərini səhv başa düşdüyünü anladığında qəlbi qırılmışdı. Axı onun Cenniyə olan sevgisi istək ya da bir həvəs deyildi, o Cennini qəlbinə möhürlənmişdi. Mikayıl düz Cenninin gözlərinin içinə baxaraq:
- Cenni mənim sənə olan sevgimi xəfifə alma, Mən Melisdən sonra birdə heç kəsi sevməyəcəyəm deyərkən qarşıma sən çıxdın. Mən sənin sayəndə qəlbimin hələ də paslanmadığını hiss etdim. Sənsə elə bilirsən ki acıdığım üçün səni o evdən alıb çıxarmaq istəyirəm?- Mikayıl əlini qabağa uzadaraq sözünə davam etdi:
- Cenni əlimi tut və heç zaman buraxma. Sənə söz verirəm səni ömrümün sonuna qədər tərk