i oldu. Bir söz tapıb deməyə gücü yox idi. Yolun ortasında dayanıb gözlərini qapadı. Əlini yumruq edib o qədər sıxdı ki, dırnaqları ətinə keçdi. Bir qərar verməliydi. Mikayıl sevdiyi qadından bu qədər tez vaz keçə bilməzdi. Telefonu götürüb qısa mesaj yazdı." Qərarını bir gün dəyişəcəksən Cenni. O günə qədər səni eyni saatda çöldə gözləyəcəyəm".
Cenni evə girən kimi özünü yatağa atdı. O qədər içdən hönkürtü vururdu ki, sanki bağrı yarılacaqdı. Nəfəs alması getdikcə çətinləşirdi. Yerindən qalxıb üzünə su vurmağa da hövsələsi yox idi. Ancaq ağlamaq isteyirdi. Yatağın üzərindəki yun örtüyü əllərinin içərisinə yığıb, sözə baxmayan göz yaşlarını axıdaraq yuxuya getdi. Səhərə yaxın Teresa otağa gəldi. Cennini paltarlarini dəyişmədən yatağın üzərində yuxuya getdiyini gördükdə ona yaxınlaşdı. Cenni o qədər ağlamışdı ki, yuxuda da iç çəkirdi. Teresa əlininin üstünü Cenninin qızarmış yanaqlarına çəkdi. Sakitcə onu çağırdı. Cenni Teresanın səsinə gözlərini açdı. Qarşısında onu görən kimi yenə ağlamağa başladı. Teresa o vaxt işlərin yolunda getmədiyini anladı. Qalxıb İana baxdı. İan qonur gözlərini açıb ətrafi seyr edərək gülümsəyirdi. Teresa qayıdaraq Cenninin yanında əyləşdi. Əlini onun qıvrım, qalın saçlarına çəkərək:
- Nə olub Cenni, niyə bu qədər ağlamısan?
Cenni başını Teresanın dizlərinin üstünə qoyub ayaqlarını altına yığdıqdan sonra göz yaşlarını silərək dedi:
- Teresa mən xoşbəxt olmağa layiq deyiləm? Həyat niyə mənimlə həmişə oynayır? Bitti, üzüm güləcək dedikdən sonra yenə alt- üst olur hər şey. Təkrar öz qaranlığıma qərq oluram.
Teresa heç nə başa düşmürdü. Əli ilə Cenninin saçlarına sığal çəkərək:
- Məsələ Mikayıldı?. Nə olub Cenni? Mənə danış..
Cenni hadisəni təfsilatına kimi Teresaya anlatdı sonra Teresanın dizlərinin üstündən başını çəkərək dedi:
- Düz deməmişəm Teresa?. Alexander onu öldürər. Bunu sən yaxşı bilirsən.
Teresa da Alexanderin nələr edəcəyinə çox yaxşı bələd olduğundan Cenniyə haqq verirdi. O mülayim tonda dedi:
- Cenni, özünü bu