n Alexanderin üzünə baxıb gülümsəyirdi. Alexander ikrah hissi ilə İanı süzüb Teresanı səslədi:
- Teresa dərhal gəlib bu uşağı buradan apar.
Teresa iti addımlarla gəlib Cennidən İanı aldı. İan Teresanın qucağında hələ də atasına baxaraq gülümsəyirdi. Alexander nəzərlərini Cenninin üzərinə verdi. Cenni çox dalğın idi. Qıvrım saçlarını yuxardan toplamışdı. Ağlamaqdan gözləri şişmişdi. Ancaq yenə də gözəl görünürdü. Alexander əsəblə yerindən qalxaraq:
- Səni burda görmək istəmirəm Cenni, iştahamı qaçırsan. Cəld ayağa qalx və rədd ol yanımdan
Cenni gözlərini bir nöqtəyə zilləmişdi. Başqa dünyada idi. Son zamanlar Alexanderin nə dediyini, nəyə qəzəbləndiyini də anlamaq istəmirdi. Dediyi bütün sözləri qulaq ardına verirdi. Alexander Cenninin saymazyana baxışlarının bir nöqtəyə zilləmiş olduğunu gördükdə əlinin tərsi ilə qızarmış yanağına bir şillə ilişdirdi. Qəzəbdən tünd yaşıl gözləri yerindən cixacaqmış kimi açılmışdı. Cenni cəld ayağa qalxaraq qaça qaça yuxarı çıxdı. O artıq döyülməyə o qədər alışmışdı ki ona ilişdirdiyi şillənin təsirini də heç hiss etmirdi. Beləcə 3 gün keçdi. Bu üç gündə eyni saatda Mikayıl çöldə dayanıb Cennini gözləyirdi. Cenni pərdəni düzəldib İanın yanına keçdi. Oğluna öpücük qondurub yatmağa gedirdi ki qapı açıldı. Alexander içəriyə daxil oldu. Cenni diksinib geriye çəkildi və ayağı İanın yerə düşmüş oyuncağına ilişərək yatağın üstündə yıxıldı. Alexanderin üzü gülürdü. Cenni cəld ayağa qalxaraq başını aşağıya endirdi. Alexander ona yaxınlaşdıqca Cenninin bədəni əsirdi. Səsi titrəyərək:
- Sizə nəsə lazımdır?- dedi
Alexander əlini Cenninin çənəsinə qoyub onun başını qaldıraraq:
- Bəli lazımdır. Mənə sən lazımsan. İndi bu dəqiqə - deyərək sarı dişləri ilə güldü. Qocalara xas olan qırışları gülərkən gozlərinin ətrafında bəlli olurdu. Siqaret çəkməkdən saralmış bığları az qalsın ağzına girirdi.
Cenni iri gözlərini geniş açıb geriyə doğru bir addım atdı, başını tərpədərək:
- Yox, siz nə danışırsız. Mən, mən yatmağa hazırlaşırdım- deyərək