biraz da Alexanderdən uzaqlaşdı.
Alexander Cenni uzaqlaşdıqca bir qədər yaxına gəlirdi:
- Yatmaq istəyirsən, gəl öz yatağında yat. Bundan sonra sən burda yox öz otağında olacaqsan- deyərək Cenninin qolundan bərkdən yapışıb dalıyca sürüdü.
Cenni nə qədər çalışsa da onun əlindən çıxa bilmirdi. Alexander Cennini otağa salıb yatağa itələdi. Cenni ağlayaraq arxaya doğru gedirdi. Başını tərpədərək:
- Xahiş edirəm mənə dəyməyin, nə istəsəniz edərəm, xahiş edirəm toxunmayın mənə- deyirdi.
Alexander bir şeyi etməyi qərar veribsə heç kim onu bu yoldan döndərə bilməzdi. Artıq gec idi. O Cenninin fəryadlarını dinləmədi....
Hava getdikcə açılırdı. Otağa düşən zəif işıqdan divarda ağacların kölgəsini görmək olurdu. Alexander yekə bədəni ilə yatağın çox hissəsini tutmuşdu. İri qarnı nəfəs alıb verməsi ilə irəliyə geriyə doğru hərəkət edirdi. Cenni yatağın bir hissəsində dizlərini sinəsinə sıxaraq qucaqlayıb oturmuşdu. Artıq göz yaşları da qurumuşdu. Divardaki ağacın siluetinə baxaraq düşüncələrə dalmışdı. Mikayıl qarlı, soyuq gecədə onu çöldə gözləyərkən Cenni Alexanderlə eyni yatada ona xəyanet edirdi. İndi o Mikayılla qaçmadığına görə özünə nifrət bəsləyirdi. Zorla ayağa qalxaraq qapını açdı və duş qəbul etmək üçün hamama yollandı. Bədəninin hər hissəsindən iyrənən zavallı, özünü köpüklərə qərq etdi. Sonra çölə çıxaraq İanın otağına daxil oldu. Yatağın yaninda yerdə əyləşib belini taxtaya söykədi. Beləcə səhər açıldı. Teresa içəriyə daxil olarkən Cenninin gözlərini qırpmadan divara baxdığını gördü. Cəld yanında əyləşib nə olduğunu anlamağa çalışdı. Bütün suallarını Cenni cavabsız saxlayırdı. Qorxuya düşən Teresa ağlamağa başladı:
- Cenni, xahiş edirəm bele etmə. Mənə cavab ver. Sənə nə olub?
Cenni üzünü Teresaya çevirib:
- İanı da götürüb otağı tərk et Teresa, mən yalqız qalmaq istəyirəm- dedi
Teresa bir şey demək istədi ancaq Cenni izin vermədi, əli ilə onun ağzını qapayaraq:
- Artıq söz eşitmək istəmirəm- dedi
Teresa İanı da götürüb qorxu və təəccüb içində