u qoruyacağıma dair söz verdim. O dağdan mən düşə bilərəm, ancaq ikinci dəfə sevdiklərimdən birinin yıxılmasına izin verməyəcəyəm- dedi və üzünü çevirib əllərini boynunun arxasında birləşdirdi.
Tomas da ayağa qalxıb:
- Yaxşı Miko, bunu da bil ki, uçurumdan aşağı düşsən də, beyninə silah dayasalar da qardaşın səninlə birlikdə olacaq- deyib çıxıb gedirdi ki Mikayıl çiynindən yapışaraq onu saxladı:
- Buna əminəm Tomi, hətta bunun olmasından da qorxuram. Əgər mənə bir şey olsa ailəm sənə əmanətdi. Onlara sahib çıx, Cennini o şərəfsizə buraxma.
Tomas kövrəlib gözləri yaşardı sonra gülərək:
- Miko, sən ağlını itirmisən, heç kimə heç nə olmayacaq. Deyəsən yuxu başına vurub, mən gedim maşını qaraja qoymuşam. Peçi çalışdırım içi isti olsun. Sən də boş boş danışma. Ailene özün sahib çıxacaqsan - deyərək təkrar güldü.
Mikayıl Tomasın bu halına bələd idi. Nə vaxt bir şeyin olacağından qorxardısa gülərək sohbəti dəyişirdi. Mikayıl da acı gülümsəmə ilə başını çevirdi. Sonra dedi:
- Tomas sənin şaxtadan xəbərin yoxdu deyəsən. Maşında yatmağına razı deyiləm. Minu bu vaxtlar oyaq olur. Zəng çal ona, orda qal bu günlük.
Tomas narazı sifət alaraq:
- Əşi nə Minu, sən də məni lap balaca uşaq elədin. Maşında yatacağam, ora mənim üçün rahatdı.
Mikayıl telefonu əlinə alıb Minuya zəng çaldı. Tomas nəsə deməsinə imkan vermədən Minu telefonu götürdü.
- Hə Miko
- Qaçaq, (O vaxt uşaq evindən qaçdığına görə Minunu aralarında bu cür çağırırdılar) bu günlük Tomi gəlib sizdə qala bilər? Əgər heç bir işin yoxdursa?
- Hə Miko başım üstə yeri var, o nə sözdü- dedi. Telefonun səsi möhkəm olduğundan səs çölə çıxırdı. Tomas bunu eşidəndə gülümsədi.
- Yaxşı, qaçaq çox sağ ol. Yaxşılığın yaddan çıxmaz- deyib zəngi bitirdi.
Tomas Mikayılla sağ ollaşıb oradan ayrıldı. Ağlında Mikayılın bayaq dediyi sözlər dolanırdı. Özünü yaman pis hiss edirdi. Mikayıl bir qədər səssizcə otaqda gözlədikdən sonra içəri otağa, (Cenni olan otaq) daxil oldu. Cenninin İanın yanında yatdığını zənn edib özü də