uşağın cinsiyyətini öyrənmişdi. Qızı olacaqdı. Axşam yatağında uzanaraq getdikcə böyüyən qarnına toxunub qızı ilə danışırdı. Gözəl qızım səni çox sevəcəyəm bilirsən?. Mələyim nə yaxşı sən varsan . Onun tərpəndiyini hiss etdikdə sevincindən ayağa qalxaraq otaqda gəzməyə başladı. Not dəftərini əlinə alıb, otağı işıqlandıran ay işığı altında bəzi qeydlər apardı" Mikayıl, əzizim bu gün iki şey oldu. Birincisi uşağın cinsiyyətini öyrəndik. Qızımız olacaq, necə də gözəl xəbərsir hə? İkincisi isə onun tərpəndiyini hiss etdim Mikayıl. Qızımız artıq tərpənməyə başlayıb". Yenidən yerinə keçib başını yastığa qoydu. Cenni hər an dəli kimi Mikayıl ilə danışırdı. Hər saniyəsini ona demək istyirdi. Beləcə onun yanında olduğunu hiss edirdi. Gözlərini yumub Mikayılı yuxusunda görmək üçün dua edərək yuxuya daldı...
Səhər həyacanla yerində dikəlib gözlərini açdı. Nəhayət Mikayılı yuxuda görmüşdü. Hönkürtü vuraraq ağlamağa başladı. Teresa otağa daxil olub Cenninin yanında əyləşdi:
- Nə olub əzizim?- dedi
- Mikayılı gördüm Teresa, onu yuxumda gördüm- deyərək ağlayırdı.
Teresa dodağını dişləyərək:
- Necə gördün?
Cenni Teresanın əlindən tutaraq:
- Uzaqda idi Teresa, gülümsəyərək mənə baxırdı. Ona doğru qaçırdım ancaq hər dəfə o biraz da uzaqlaşırdı. Sonra yox oldu- deyib yenidən ağladı.
Teresa Cenninin titrəyən əlindən öpərək:
- Yaxşı Cenni, keçdi. Qalx üzünə su vur. Sonra aşağı düşək yemek ye- Cenni ilə Mikayıl barəsində danışmaq istəməyən Teresa dedi.
Cenni içi əsə- əsə ayağa qalxaraq:
- Yaxşı- deyib otaqdan çölə çıxdılar