qucağında İanla onun yanında əyləşmişdi. Teresa Alexanderi görcək ayağa qalxdı. Alexander ona yaxınlaşıb:
- Vəziyyəti necədir?- dedi
Teresa nəzərlərini İana salıb:
- Bayaqdan yatır, yəqin birazdan oyanacaq- dedi
Alexander bir addım Teresaya yaxın gələrək:
- Qulaq as Teresa, bilirsən istəsəm səni də, sənin kənddəki ailəni də öldürə bilərəm. Birdə mənimlə o tonda( xəstəxanada danışdıqlarını nəzərdə tuturdu) danışdığını görsəm sonun heç yaxşı olmayacaq- dedi
Teresa başını tərpədərək:
- Başa düşürəm cənab Watson, birdə olmayacaq- dedi
Alexander qapıya tərəf gedib dayandı:
- Çox gözəl. Birdə elə zənn etmə ki, Cennini düşündüyümə görə onun halını, əhvalını soruşuram. Onun tamamən sağalmasını gözləyirəm. Çünki hələ ona verdiyim cəza bitməyib. Bətnindəki körpənin kimin olduğunu hələ kimsə bilmir!. Dua et ki Teresa, Cenni gec sağalsın...- deyib çölə çıxdı.
Teresa qaşlarını düyünləyib Cenninin yanına yaxınlaşdı. İan anasına baxaraq gülərək ana dedi. Teresa İanın başına sığal çəkərək:
- Ah yazıq körpə, zavallım mənim- deyərək Cenniyə baxdı.
Günəşin şəfəqləri otağı işıqlandırırdı. Cenni yerindən qalxaraq, yatağında uzanıb ətrafı seyr edən oğluna baxdı. İan anasını görən kimi gülərək əllərini qabağa tutub Cenninin onu qucağına almasını istəyirdi. Cenni də güümsəyərək İanı ağuşuna alıb qoxlamağa başladı. Oğlu üçün necə də darıxmışdı. İanın gülərkən qabaqdakı kiçik dişləri görünürdü. Cenni onun yanaqlarından öpərək:
- Mənim körpə balam, sənin üçün o qədər darıxmışdım ki..
İan Cenniyə baxaraq:
- Ana - deyib gülürdü
Cenni də gülüb onun burnundan öpdü:
- Can ana, mənim balaca quzum.. Sonra İanın ağırlığını hiss edərək:
- Quzum, sən yaman ağırlaşmısan- deyərək gülümsədi və həmin an bətnindəki körpəni xatırladı. Cəld İanı yerinə qoydu. Sonra yerinə keçib əyləşdi. Əllərini qarnına aparıb:- Görəsən sən kimdənsən? Atan, atan kimdi.. deyib hönkürtü vuraraq ağlamağa başladı. Mikayılı xatırladı. Gözlərinin önündə yanaraq öldüyünü xatırladı. Həmin an nəfəsi kəsildi,