olduğunu, bir az böyüdükdən sonra deyəcəyini demişdi. Cenni, İan və Kitini elə böyütmüşdü ki, onlar ayrı, başqa yerdə 2 saat uzaq qala bilmirdilər. İan dərsdə olduğu müddətdə Kiti helə pəncərədən maşının gəlişini və İanın maşından yerə düşməsini gözləyirdi. Kiti yerə yıxılıb ayağını əzən kimi ondan əvvəl İan ağlayırdı. Onları qəlbində bir az da olsa ayırmayan Cenni, aralarında elə bağ yaratmışdı ki, bir- birilərini əsl doğma bacı -qardaş kimi sevirdilər.
Natali bu vaxt İana şillə vuraraq:
- Bunu sənə kim öyrədibsə böyük günah işlədib. Bundan sonra ona Alexander deməyinizi eşitməyim- dedi
Bu vaxt Cenni cəld ayağa qalxaraq:
- İann... Siz nə etdiyinizi fərqindəsiniz? Uşağa şillə ilişdirməklə onu tərbiyə edəcəyinizi düşünürsünüz?. Mənim oğluma bir də əl qaldırmayın, o yiyəsiz deyil- qaşını qaldıraraq dedi və İanın yanına keçib onun başına sarıldı. Bu vaxt Kiti də anasına baxıb İana sarılaraq:
-Mənim qardaşıma vurma, səndən zəhləm gedir. İfritə uzun burun- dedi
Natali və Lora qəzəblə ayağa qalxıb bir söz demək istəyirdilər ki, Alexander onları qabaqladı:
- Yetər!!. Hər kəs cəld yerinə əyləşsin. Səbrimi daşırmayın!. Sən, (üzünü Cenniyə çevirib) Cenni birdə belə hədsizlik edib anam ilə o tonda danışmayacaqsan. Sən də ( anasına baxaraq) uşaqlara qarışma. Necə rahatdırsa mənə elə də səslənəcəklər. Alexanderin bu çıxışından qəzəblənən Natali yeməyini yemədən çıxıb otağına çəkildi. Lora da əsəblə Cennini itələyərək anasının arxasıyca getdi. Cenninin gözləri anidən Alexanderin qəzəbdən ateş saçan gözlərinə sataşdı sonra tez baxışlarını İana çevirib:
- Qalx oğlum, səni ötürüm, dərsinə get- dedi.
İan qalxaraq anasının arxasıyca qapıya tərəf gəldi. Cenni süfrədən uzaqlaşan kimi İanla üzbəüz əyilərək yanağına sığal çəkməyə başladı:
- Ananın ürəyi, ağrımır ki?- deyib xəfif qızarmış yanağından öpdü.
İan da anasının boynuna sarılaraq:
- Yox ana sən öpdükdən sonra tamam ağrısı keçdi- dedi
Cenninin gözləri doldu:
- Həyatım, bundan sonra belə bir şey olanda əsla sən