z onlarla yaxınlaşdı, hansı ki, üstü- başı çirk içində idi ancaq baxan kimi gözəl qız olduğu bəlli olurdu. Tam Mikayılın yanına çatanda:
- Xahiş edirəm, bir solfet alın. Alsanız Tanrının sizi ayırmaması üçün ömrümün sonunadək dua edərəm- deyərək gülümsəyirdi
Mikayıl əlini onun çirkli başına çəkib:
- Sənin adın nədir?- dedi
- Kiti, adım Kitidir. Bu adı mənə anam qoymuşdu- deyib başını aşağı saldı. Alacaqsınız? - təkrar Mikayıla baxaraq dedi
Mikayıl cibindən qalan pulunun hamısını çıxarıb:
- Alacağam gözəl Kiti, həm də hamısını alacağam- deyərək bütün solfetləri götürüb pulu uşağa uzatdı.
- Siz çox yaxşı insansınız əmi, Tanrı sizi heç vaxt ayırmasın, dərd görməyəsiniz- deyib qaçaraq ordan uzaqlaşdı.
Mikayıl uşağın arxasıyca baxaraq:
- Kiti, necə də gözəl addır. Səncə də elə deyil?...
Cenni xəyal dünyasından ayılıb orada dediyi sözləri təkrar etdi:- Mən çox da xoşlamadım, ancaq uşaq çox göyçək idi... Sonra bir qədər dayanıb dedi:-O uşağın duaları qəbul olunmadı. Hicran tez gəldi Mikayıl, mən səni gec tapdım lakin tez itirdim.. sonra qələmi əlinə alıb yazdı" Qızımızın adını Kiti qoyacağam. Kiti mənim dünyada eşitdiyim ən gözəl addır Mikayıl". Ayağa qalxıb qızını qucağına aldı:
- Sənin adını atan qoydu əzizim, adın Kiti olacaq- deyərək uşağı öpdü. Sonra üstünü dəyişib yerinə keçdi..
Beləliklə uşağın adını Kiti qoydular. Günlər keçdikcə Alexander uşağa daha da çox sevirdi, bağlanırdı. İanı heç sevmeyen Alexander Kitiyə xüsusi sevgi bəsləyirdi. Bir gün Cenni otaqda deyildi. Alexander otağa daxil olub, Kitinin yerində yatdığını gördü. Uşağa yaxınlaşıb onu seyr etməyə başladı. Üzünə xəfif gülümsəmə qondu. Əli ilə Kitinin kiçik ağ əlindən tutduqda Kiti onun barmağından yapışdı. O an Alexander istədi ki uşağı qucağına alsın, Cenni içəri keçdi. Alexanderi uşağın yaxınında görərkən ona zərər verəcəyini zənn edib cəld, qorxaraq ona yaxınlaşdı:
- Burax, nə edirsən? O hələ körpədir, nə istəyirsən ondan, sənin bir az da olsa vicdanın yoxdur?- deyərək Kitini