a sanki yenə əvvəlki həyat tərzinə qayıdırıq, dəyişiklik isə artıq baş vermişdir və heç vaxt əvvəlki kimi olmayacağıq..." - səncə də elədir? Yəni Mikayılın ölümündə nəsə bir səbəb var? Nə vaxtsa mənə aydın olacaq?. Axı onun ölümündə mən hələ də özümü günahlandırıram. Mən elə dəyişikliyi istəməmişdim ki- deyərək gözləri yaşardı.
Cenninin hər şeyi Mikayılla əlaqələndirməsi Teresanın qəlbini çox incidirdi. Bir az qabağa gələrək:
- Cenni olanları dəyişdirə bilmərik. Onun ölümündə qətiyyən özünü təqsirləndirmə əzizim. Sən artıq geriyə deyil, önünə baxmalısan. Uşaqlarını düşünməlisən. Xahiş edirəm Cenni artıq bu kitabı bağla və oxuma- deyib kitabı bağladı.
Cenni bir söz demək istədi ancaq demədi. Sonra üzünü uşaqlarına çevirib:
- O gün, İanın varlığını eşitdiyim gün, mənim izdirab dolu həyatım bir az da olsa dəyişdi. O qaranlıq həyatıma işıq gətirdi... Kiti, o isə sönmüş ümidlərimi yenidən canlandırdı. Mən artıq onlara görə yaşayıram Teresa.... Düz deyirsən, keçmişi düşünməklə gələcəkdə uşaqlarıma yaxşı ana ola bilməyəcəyəm... Mən bu günümü, gələcəyimizi düşünməliyəm - deyərək ayağa qalxıb kitabı döşəyin altına yox kitab rəfinə yerləşdirdi. Sonra pıçıltı ilə" artıq səni qəlbimdə yaşatmağa qərar verdim Mikayıl, narahat olma səni unutmayacağam, səni unuda bilmərəm də heç vaxt ancaq övladlarımıza görə mən bir müddətlik sənin yanından getməli olacağam. Onlara səni çox gözəl anlatacağam Mikayıl. Hələlik" - deyərək gəlib Teresaya sarıldı. Sonra hər ikisi öz yataqlarına keçərək yatdılar...
İllər bir-birini qovalayaraq 5 ili tamamladı.
Tomas, Mikayıl öldükdən sonra çalğı işlərini buraxmış, indi gitara, piano öyrenmək istəyən az yaşlılara dərs keçirdi. 3 gün əvvəl Lusiylə nişanlanan Tomasın həyatı artıq dəyişmişdi. Qardaşı Mikayılın dediyi kimi sevgisindən əsla vaz keçmədi. Obyektləri yandıqdan sonra Lusigilə yaxın yerdə 1 otaqlı ev kirayələyib orada yaşamağa başladı...
Tomas qapını taqqıldatdı. Lusi qapını açan kimi Tomasın boynuna sarıldı:
- Tomi, gəl evə,