4 ay sonra
Cenni əməliyyatda idi. Ürəyi zəif olduğuna görə təbii yolla doğum olmazdı. Əksər halda ana öləcəkdi. Ona görə də kesar yolu ilə cərrahi əməliyyat aparılırdı. Cenni doğumuna az qalmış Tereseyla hər şeyi danışmışdı..
2 gün əvvəl
Cenni otaqda gəzişərkən Teresanı gözləyirdi. Sancıları başlamışdı. Otağın kənarındakı kresloda oturaraq dərin- dərin nəfəs almağa başladı. Bu vaxt Teresa içəri girərək Cenninin qarşında dayanıb:
- Cenni, yaxşısan?- dedi
Cenni gözlərini yumub biraz belə qaldıqdan sonra yenidən gözlərini açaraq Teresanın əlini tutdu:
- Yaxşıyam Teresa, məni diqqətlə dinlə. Yəqin bir ya da iki günə doğum başlayacaq. Mən əminəm ki, Alexandər həmin o günü gözləyir. Mənə bu aylar ərzində heç yaxın gəlməyib, bilirəm ki uşağın ondan olub olmadığını öyrəndiyi gün hərəkətə keçəcək. Teresa, bu uşağın Mikayıldan olmasını çox istəyirəm. Bu dəqiqə ən çox arzuladığım şeydir. Mən xəstəxanada olarkən uşaq doğulan kimi Alexander DNT analizi etdirəcək. Ondan əvvəl nəticələr çalış sənin əlinə keçsin. Əgər, uşağın Mikayıldan olduğunu görsən, nəticələri dəyişməsi üçün tibb bacısına mənim böyük xahişimi bildir Teresa. De ki, dəyişməsə ana da, uşaq da sağ yaşamayacaq. Lap elə oldu ona müəyyən məbləğdə pul təklif et. Ancaq səndən xahiş edirəm dəyişməsi üçün təkid et Teresaa.. Cenni qarnını tutub bir qədər dərindən nəfəs aldıqdan sonra:- Alexander bilsə məsum körpəmi acımasızca öldürəcək. Lənət olsun ona..
Teresa Cenninin halsız olduğunu gördü. Əlindən tutub onu yatağa yatırdı:
- Sən heç narahat olma Cenni. Nə olursa olsun o nəticəyə ilk mən baxacağam. Sən indi yat biraz- deyib İanı da götürüb çölə çıxdı.
Cenni otaqda yalnız qaldıqdan sonra əlini döşəyin altına salıb Mikayılın ona verdiyi kitabı çıxardı. Bu aylar ərzində nə qədər oxuyub bitirdiyi o kitabı yenidən oxumağa başladı. Hər səhifəsini Mikayılı xatırlayaraq çevirirdi. Sonra sancılarının bərkidiyini hiss edib kitabı büküb kənara qoydu. Gözlərini yumaraq uşağın atasının Mikayıl olması üçün dua etdi